കോവിഡ് പ്രതിരോധം: സ്കൂൾ വിദ്യാർഥികൾക്ക് പ്രതിരോധ ഹോമിയോ മരുന്ന് പരിഗണനയില്‍

4 years, 2 months Ago | 640 Views

കോവിഡ് പ്രതിരോധത്തിനുള്ള ഹോമിയോ മരുന്നായ 'ആര്‍സനിക്കം ആല്‍ബം' സ്കൂൾ കുട്ടികൾക്കു വിതരണം ചെയ്യാൻ മുഖ്യമന്ത്രി പിണറായി വിജയൻ നിർദേശം നൽകി. വിശദാംശങ്ങൾ  വിദ്യാഭ്യാസമന്ത്രി വി.ശിവൻകുട്ടിയുമായുള്ള ചർച്ചയിൽ തീരുമാനിക്കുമെന്ന് ആരോഗ്യമന്ത്രി വീണാ ജോർജ് പറഞ്ഞു.  ഐസിഎംആര്‍ അംഗീകരിച്ച പാറ്റേണില്‍ വരുന്നതാണ് ഹോമിയോ മരുന്ന്. നമ്മുടെ നാട്ടില്‍ അത് പ്രയോജനപ്പെടുന്നുണ്ട്. പാര്‍ശ്വഫലങ്ങള്‍ ഇല്ലാത്ത മരുന്നാണെന്നും മന്ത്രി അവകാശപ്പെട്ടു.

സ്‌കൂള്‍ തുറക്കുന്നതിന് അഞ്ച് ദിവസം മുമ്പ് പരമാവധി കുട്ടികള്‍ക്ക് പ്രതിരോധ മരുന്ന് വീടുകളിലേക്ക് എത്തിക്കാനുള്ള പദ്ധതിയാണ്. ഹോമിയോ മരുന്ന് കുട്ടികള്‍ക്ക് കഴിക്കാന്‍ ബുദ്ധിമുട്ടുണ്ടാവില്ല, ഓരോ ജില്ലയിലും എത്ര ഗുളിക ലഭ്യമാണെന്ന കണക്കു നൽകാൻ ഹോമിയോ ഡിഎംഒമാരോട് ഹോമിയോ ഡയറക്ടർ ഡോ.വിജയാംബിക നിർദേശിച്ചു. പ്ലസ് ടു വരെയുള്ള കുട്ടികൾക്കു ഗുളിക നൽകും. 21 ദിവസത്തെ ഇടവേളകളിൽ 3 പ്രാവശ്യമായി 3 ഗുളിക വീതമാണു നൽകുന്നത്.