കോവിഡ്‌ ലക്ഷണമില്ലാത്തവര്‍ 7 ദിവസത്തിനുശേഷം ജോലിക്കെത്തണം

3 years, 10 months Ago | 423 Views

കോവിഡ് ബാധിതരോ പ്രാഥമിക സമ്പര്‍ക്കപ്പട്ടികയില്‍പ്പെട്ടതോ ആയ സര്‍ക്കാര്‍ ജീവനക്കാര്‍ ഏഴുദിവസത്തിനുശേഷം ലക്ഷണങ്ങള്‍ ഇല്ലെങ്കില്‍ ജോലിയില്‍ തിരികെ പ്രവേശിക്കണം.  സര്‍ക്കാര്‍ ജീവനക്കാരുടെ പുതുക്കിയ ക്വാറന്റൈന്‍ മാര്‍ഗനിര്‍ദേശത്തിലാണ് ഇക്കാര്യമുള്ളത്.

ഏഴുദിവസം കഴിഞ്ഞാല്‍ ലക്ഷണങ്ങള്‍ ഇല്ലാത്തവര്‍ക്ക് പരിശോധനയില്ലാതെതന്നെ ജോലിക്കെത്താം.

അനുബന്ധ–- ജീവിതശൈലീ രോഗങ്ങള്‍ ഉള്ളവര്‍ ലക്ഷണങ്ങളില്ലെങ്കിലും ആര്‍ടിപിസിആര്‍ പരിശോധന നടത്തണം. പോസിറ്റീവാണെങ്കില്‍ സമ്പര്‍ക്കവിലക്ക് തുടരുകയും നെഗറ്റീവാണെങ്കില്‍ ഹാജരാകുകയും വേണമെന്നും ചീഫ് സെക്രട്ടറിയുടെ ഉത്തരവില്‍ പറയുന്നു.