ഭൂട്ടാന്റെ പരമോന്നത സിവിലിയൻ ബഹുമതി നരേന്ദ്രമോദിക്ക്

3 years, 3 months Ago | 478 Views

'ഓർഡർ ഓഫ് ദി ഡ്രക് ഗ്യാൽപോ' പുരസ്കാരത്തിനാണ് അദ്ദേഹം അർഹനായത്. കോവിഡ്കാലത്ത് രാജ്യത്തിന് നൽകിയ സഹകരണത്തിന് നന്ദി അറിയിച്ചാണ് ഭൂട്ടാൻ അവാർഡ് നൽകിയത്. ഭൂട്ടാൻ രാജാവ് ജിഗ്മെ ഖേസർ നാംഗ്യല് വാങ്ങ്ചുക്കാണ് ബഹുമതി പ്രഖ്യാപിച്ചത്. ഭൂട്ടാൻറെ 114-ാമത് ദേശീയദിനമായ വെള്ളിയാഴ്ചയായിരുന്നു പ്രഖ്യാപനം. സഹകരണത്തിന് ഭൂട്ടാൻ പ്രധാനമന്ത്രി ഡോ. ലോട്ടേ ഷേറിങ് മോദിക്ക് നന്ദി അറിയിച്ചു.


ഭൂട്ടാന്റെ ബഹുമതിക്ക് തന്നെ തിരഞ്ഞെടുത്തതിൽ പ്രധാനമന്ത്രി നരേന്ദ്രമോദി ഭൂട്ടാൻ രാജാവിനോട് നന്ദി അറിയിച്ചു. ഇന്ത്യയുടെ ഉറ്റ സുഹൃദ്രാഷ്ട്രമാണ് അയൽ രാജ്യമായ ഭൂട്ടാൻ. ആ ബന്ധം ശക്തമായി തുടരും. ഭൂട്ടാന് ദേശീയദിനാശംസകളും മോദി നേർന്നു.