ചൊവ്വയില്‍ നിന്ന് പാറക്കഷ്ണം ശേഖരിക്കാനുള്ള പെഴ്‌സിവിയറന്‍സ് റോവറിന്റെ ആദ്യ ശ്രമം പരാജയം

4 years, 11 months Ago | 537 Views

ചൊവ്വയുടെ ഉപരിതലത്തിൽ നിന്ന് പാറക്കഷ്ണങ്ങൾ കുഴിച്ചെടുക്കാനുള്ള നാസയുടെ പെഴ്സിവീയറൻസ് റോവറിന്റെ ആദ്യ ശ്രമം പരാജയം. ഉപരിതലത്തിൽ കുഴിച്ചു നോക്കിയെങ്കിലും പാറക്കഷ്ണങ്ങൾ റോവറിന് ശേഖരിക്കാനായില്ല.

റോവറിന് സമീപമുള്ള ചെറിയ കുഴിയുടേയും മൺതിട്ടയുടേയും ചിത്രം വെള്ളിയാഴ്ചയാണ് അമേരിക്കൻ സ്പേസ് ഏജൻസി പുറത്തുവിട്ടത്. ചുവപ്പ് ഗ്രഹത്തിൽ ഒരു റോബോട്ടിന്റെ ആദ്യ ദൗത്യം എന്നായിരുന്നു ചിത്രത്തിന് നൽകിയ വിശേഷണം. എന്നാൽ റോവർ ഭൂമിയിലേക്ക് അയച്ച സാമ്പിളിൽ പാറക്കഷ്ണങ്ങളില്ലെന്നാണ് കണ്ടെത്തിയിരിക്കുന്നത്.

പ്രതീക്ഷ അവസാനിക്കുന്നില്ലെന്നും ഗവേഷണങ്ങൾ എല്ലാ കാലത്തും വെല്ലുവിളികൾ നിറഞ്ഞതായിരിക്കുമെന്നും നാസയുടെ സയൻസ് മിഷൻ ഡയറക്ടറേറ്റ് അസോസിയേറ്റ് അഡ്മിനിസ്ട്രേറ്റർ തോമസ് സുബോച്ചൻപ്രസ്താവനയിറക്കി. ഭാവിയിൽ പരീക്ഷണം വിജയത്തിലെത്തിക്കാനുള്ള ശ്രമങ്ങൾ തുടരുകയാണെന്നും പ്രസ്താവനയിൽ പറയുന്നു.

ഫെബ്രുവരി 18നാണ് നാസയുടെ വമ്പൻ ദൗത്യമായ പെഴ്സിവീയറൻസ് ചൊവ്വയിലെ ജെസറോ ഗർത്തത്തിൽ എത്തിയത്.  ചൊവ്വയിലെ പാറക്കഷ്ണങ്ങൾ ശേഖരിച്ച ശേഷം 2030ൽ റോവർ ഭൂമിയിൽ തിരിച്ചെത്തും.