സെല്‍ സയന്‍സ് നാഷണല്‍ സെന്‍ററില്‍ ഗവേഷണം

4 years, 3 months Ago | 388 Views

കേന്ദ്ര ശാസ്ത്രസാങ്കേതിക മന്ത്രാലയത്തിന് കീഴിലെ ബയോടെക്നോളജി വകുപ്പിന്റെ സ്ഥാപനമായ പുണെ നാഷണല്‍ സെന്റര്‍ ഫോര്‍ സെല്‍ സയന്‍സ് (എന്‍.സി.സി.എസ്.) 2021 ഓഗസ്റ്റ് സെഷനിലെ പിഎച്ച്‌.ഡി. പ്രോഗ്രാം പ്രവേശനത്തിന് അപേക്ഷിക്കാം. മോഡേണ്‍ ബയോളജി മേഖലയിലെ ഗവേഷണങ്ങളാണ് സ്ഥാപനത്തില്‍ നടക്കുന്നത്.

യോഗ്യത: സയന്‍സിന്റെ ഏതെങ്കിലും ബ്രാഞ്ചില്‍ 55 ശതമാനം മാര്‍ക്കോടെ (പട്ടിക/ഒ.ബി.സി./ ഭിന്നശേഷി വിഭാഗക്കാര്‍ക്ക് 50 ശതമാനം)/തത്തുല്യ ജി.പി.എ. -യോടെയുള്ള മാസ്റ്റേഴ്സ് ബിരുദം ഉണ്ടായിരിക്കണം. അപേക്ഷകര്‍ക്ക് സി.എസ്.ഐ.ആര്‍./യു.ജി.സി./ ഡി.ബി.ടി./ഐ.സി.എം.ആര്‍./ ബി.ഐ.എന്‍.സി. ഫെലോഷിപ്പ് വേണം. അല്ലെങ്കില്‍ നെറ്റ് – ലക്ചററര്‍ഷിപ്പ്/ഗേറ്റ് ഉള്ള ഡി.എസ്.ടി. – ഇന്‍സ്പയര്‍ ഫെലോ ആയിരിക്കണം. ഉയര്‍ന്ന പ്രായപരിധി 28 വയസ്സ്.

ജൂലായ്ക്കകം എം.എസ്സി. ബിരുദം നേടുമെന്നു പ്രതീക്ഷിക്കുന്നവര്‍ക്കും അപേക്ഷിക്കാം.

ജെ.ജി.ഇ.ഇ.ബി.ഐ.എല്‍.എസ്. യോഗ്യത നേടിയവര്‍ക്കും അപേക്ഷിക്കാം. അപേക്ഷാമാതൃക ഉള്‍പ്പെടുന്ന വിശദമായ വിജ്ഞാപനം, https://www.nccs.res.in ല്‍ ലഭിക്കും (കരിയേഴ്സ് > പി.എച്ച്‌.ഡി. അഡ്മിഷന്‍സ് ലിങ്കുകള്‍ വഴി).

പൂരിപ്പിച്ച അപേക്ഷയും രേഖകളും ഒറ്റ പി.ഡി.എഫ്. ഫയലാക്കി മേയ് 21-നകം phdadmission@ncss.res.in ലേക്ക് അയക്കണം.