പുരാണ കഥകളുടെ മുത്തശ്ശി യാത്രയായി

5 years, 3 months Ago | 521 Views

പ്രിയ ബാലസാഹിത്യകാരി സുമംഗല (87) നിര്യാതയായി.ചരിത്രകാരിയും വിവർത്തകയും നിഘണ്ടുകർത്താവും നോവലിസ്റ്റുമായിരുന്നു. ലീലാ നമ്പൂതിരിപ്പാട് എന്നാണ് യഥാർത്ഥ പേര്. ഓട്ടുപാറയിലുള്ള മകന്റെ വീട്ടിൽ വച്ചായിരുന്നു അന്ത്യം. 

കേരളം കലാമണ്ഡലത്തിന്റെ പബ്ലിസിറ്റി ഓഫീസറായിരുന്നു. ബാലസാഹിത്യ ഇൻസ്റ്റിറ്റിയൂട്ടിന്റെ ഭരണസമിതി അംഗമായും കലാമണ്ഡലം ജനറൽ കൗൺസിൽ അംഗമായും പ്രവർത്തിച്ചിട്ടുണ്ട്. കേന്ദ്ര, കേരള സാഹിത്യ അക്കാദമി അവാർഡുകൾ, ബാലസാഹിത്യ ഇൻസ്റ്റിറ്റിയൂട്ടിന്റെ സമഗ്ര സംഭാവനയ്ക്കുള്ള പുരസ്‌കാരം തുടങ്ങി ഒട്ടേറെ ബഹുമതികൾ നേടി. വേദ പണ്ഡിതൻ ഒളപ്പമണ്ണ മനയിൽ ഓ.എം.സി.നമ്പൂതിരിപ്പാടിന്റെയും കുറൂർ മനയിൽ ഉമാ അന്തർജ്ജനത്തിന്റെയും മൂത്തമകളാണ്.കുമരനല്ലൂർ ദേശമംഗലം മനയിൽ പരേതനായ അഷ്ടമൂർത്തി നമ്പൂതിരിപ്പാട് ആണ് ഭർത്താവ്. സാഹിത്യകാരി ഉഷ നമ്പൂതിരിപ്പാട്, സംഗീതഞ്ജനും റിട്ട.ബാങ്ക് ഓഫീസറുമായ നാരായണൻ, റിട്ട.ബാങ്ക് ഓഫീസർ അഷ്ടമൂർത്തി എന്നിവർ മക്കളും ഡോ.നീലകണ്ഠൻ ഉഷ, ഗൗരി എന്നിവർ മരുമക്കളുമാണ്