കാഴ്​ച വിസ്​മയമൊരുക്കി വെംബ്ലി വെള്ളച്ചാട്ടങ്ങള്‍

4 years, 8 months Ago | 623 Views

കാ​ഴ്​​ച​ക്കാ​രു​ടെ മ​ന​സ്സി​ല്‍ മാ​യാ​തെ​ പ​ത​ഞ്ഞെ​ത്തു​ക​യാ​ണ്​ വെം​ബ്ലി​യി​ലെ വെ​ള്ള​ച്ചാ​ട്ട​ങ്ങ​ള്‍. ഒ​ന്ന​ല്ല, മൂ​ന്ന്​ വെ​ള്ള​ച്ചാ​ട്ട​മാ​ണ്​ മ​ല​യോ​രം കാ​ഴ്​​ച​ക്കാ​ര്‍​ക്ക്​ കാ​ത്തു​​വെ​ച്ചി​രി​ക്കു​ന്ന​ത്. ഇ​ടു​ക്കി കൊ​ക്ക​യാ​ര്‍ പ​ഞ്ചാ​യ​ത്തി​ലെ വെം​ബ്ലി, വ​ട​ക്കേ​മ​ല എ​ന്നി​വി​ട​ങ്ങ​ളി​ലാ​യു​ള്ള നൂ​റേ​ക്ക​ര്‍, പാ​പ്പാ​നി, വെ​ള്ള​പ്പാ​റ ജ​ല​പ്ര​വാ​ഹ​ങ്ങ​ളാ​ണ്​ കാ​ഴ്​​ച​ക്കാ​രു​ടെ ക​ണ്ണി​ന് കു​ളി​ര്‍​മ​യേ​കു​ന്ന​ത്. 2000 അ​ടി ഉ​യ​ര​ത്തി​ല്‍നി​ന്ന്​ പാ​റ​ക്കെ​ട്ടു​ക​ളെ ത​ഴു​കി പ​തി​ക്കു​ന്ന വെ​ള്ള​ച്ചാ​ട്ട​ങ്ങ​ള്‍ കാ​ണാ​ന്‍ നി​ര​വ​ധി പേ​ര്‍ എ​ത്തു​ന്നു​ണ്ട്.

മു​ണ്ട​ക്ക​യം കൂ​ട്ടി​ക്ക​ല്‍ കൊ​ക്ക​യാ​ര്‍-​വെം​ബ്ലി ഉ​റു​മ്പിക്ക​ര റോ​ഡി​ന് സ​മീ​പ​ത്താ​ണ് വെ​ള്ള​ച്ചാ​ട്ട​ങ്ങ​ള്‍. വെം​ബ്ലി​യി​ല്‍നി​ന്ന്​ ഒ​രു​കി.​മീ. സ​ഞ്ച​രി​ച്ചാ​ല്‍ നൂ​റേ​ക്ക​ര്‍ വെ​ള്ള​ച്ചാ​ട്ട​ത്തി​ന​രി​കി​ലെ​ത്താം. സ്വ​കാ​ര്യ​വ്യ​ക്തി​യു​ടെ 100 ഏ​ക്ക​ര്‍ ഭൂ​മി​യോ​ട് ചേ​ര്‍ന്നു കി​ട​ക്കു​ന്ന​തി​നാ​ലാ​ണ്​ വെ​ള്ള​ച്ചാ​ട്ട​ത്തി​ന്​ ഈ ​പേ​ര്​ വ​ന്ന​ത്. പാ​പ്പാ​നി തോ​ടിന്‍റ ശാ​ഖ​യി​ലാ​ണ്​ വെ​ള്ള​ച്ചാ​ട്ടം. ഇതിന്റെ ഉ​പ​ശാ​ഖ​യാ​യി മ​റ്റൊ​രു വെ​ള്ള​ച്ചാ​ട്ട​വും ഇ​വി​ടെ​യു​ണ്ട്.

നൂ​റേ​ക്ക​റി​ല്‍​നി​ന്ന്​ 400 മീ​റ്റ​ര്‍ സ്വ​കാ​ര്യ റ​ബ​ര്‍ തോ​ട്ട​ത്തി​ലൂ​ടെ യാ​ത്ര ചെ​യ്താ​ല്‍ വെ​ള്ള​പ്പാ​റ വെ​ള്ള​ച്ചാ​ട്ട​ത്തി​ലെ​ത്താം. ര​ണ്ടാ​യി​ര​ത്തി​ല​ധി​കം അ​ടി ഉ​യ​ര​ത്തി​ല്‍നി​ന്ന്​ ത​ട്ടു​പാ​റ​യി​ലൂ​ടെ ഒ​ഴു​കി പ​തി​ക്കു​ക​യാ​ണ്​ വെ​ള്ളം. ബ്രി​ട്ടീ​ഷു​കാ​ര്‍ ഇ​ന്ത്യ ഭ​രി​ച്ച​പ്പോ​ള്‍ റ​ബ​ര്‍ എ​സ്‌​റ്റേ​റ്റി​ലെ തൊ​ഴി​ലാ​ളി​ക​ളു​ടെ ജോ​ലി​സ്ഥ​ല​ത്തി​നി​ട്ട പേ​രാ​യി​രു​ന്നു വെ​ള്ള​പ്പാ​റ. അ​ന്നും വെ​ള്ള​ച്ചാ​ട്ട​മു​ണ്ടാ​യി​രു​ന്നെ​ങ്കി​ലും വെ​ള്ള​പ്പാ​റ വെ​ള്ള​ച്ചാ​ട്ട​മെ​ന്ന അം​ഗീ​കാ​രം തേ​ടി​യെ​ത്തി​യ​ത് അ​ടു​ത്ത കാ​ല​ത്താ​ണ്. കാ​ല്‍ന​ട​യാ​യി മാ​ത്ര​മേ ഇ​വി​ടെ എ​ത്താ​ന്‍ ക​ഴി​യൂ​വെ​ങ്കി​ലും കാ​ഴ്​​ച​ക്കാ​ര്‍​ക്ക്​ കു​റ​വി​ല്ല.

ആ​ദ്യ​കാ​ല​ത്ത്​ കാ​ഴ്​​ച​ക്കാ​രി​ല്ലാ​തി​രു​ന്ന പാ​പ്പാ​നി വെ​ള്ള​ച്ചാ​ട്ടം കാ​ണാ​നും ഇ​പ്പോ​ള്‍ നി​ര​വ​ധി പേ​രാ​ണ്​ എ​ത്തു​ന്ന​ത്. ഇ​ടു​ക്കി പാ​ക്കേ​ജി​ല്‍പെ​ടു​ത്തി ഈ ​പ്ര​ദേ​ശ​ത്തേ​ക്ക്​ പാ​ലം നി​ര്‍​മി​ച്ച​തോ​ടെ​യാ​ണ്​ പാ​പ്പാ​നി വെ​ള്ള​ച്ചാ​ട്ടം പു​റം​ലോ​കം അ​റി​യു​ന്ന​ത്. വാ​ഹ​ന​ങ്ങ​ളി​ല്‍ എ​ത്താ​നും പാ​ര്‍ക്കി​ങ്ങി​നും സൗ​ക​ര്യ​മു​ള്ള​തി​നാ​ല്‍ സ​ഞ്ചാ​രി​ക​ള്‍ കൂ​ടു​ത​ലാ​യി എ​ത്തു​ന്ന​തും ഇ​വി​ടെ​ത​ന്നെ. ത​ട്ടു​പാ​റ​ക​ളി​ലൂ​ടെ ഒ​ഴു​കു​ന്ന വെ​ള്ള​ച്ചാ​ട്ട​ത്തി​ന്​ ദൃ​ശ്യ​ഭം​ഗി​യും ഏ​റെ​യാ​ണ്. നാ​ട്ടു​കാ​ര്‍​ക്ക്​ പാ​പ്പാ​നി തോ​ട് കു​റു​കെ ക​ട​ക്കാ​ന്‍ വ​ര്‍ഷ​ങ്ങ​ള്‍ക്കു​മു​മ്പ് കൊ​ക്ക​യാ​ര്‍ ഗ്രാ​മ​പ​ഞ്ചാ​യ​ത്ത് നി​ര്‍മി​ച്ച ക​മ്പി​പ്പാ​ലം വെ​ള്ള​ച്ചാ​ട്ട​ത്തോ​ട് ചേ​ര്‍ന്നി​രി​ക്കു​ന്ന​തി​നാ​ല്‍ സ​ഞ്ചാ​രി​ക​ളെ ഏ​റെ ആ​ക​ര്‍ഷി​ക്കു​ന്നു​ണ്ട്. സ​ഞ്ചാ​രി​ക​ള്‍ ഏ​റെ എ​ത്തു​ന്നു​ണ്ടെ​ങ്കി​ലും വി​നോ​ദ​സ​ഞ്ചാ​രി​ക​ളെ സ്വീ​ക​രി​ക്കാ​നോ അ​വ​ര്‍ക്ക് സൗ​ക​ര്യ​ങ്ങ​ള്‍ ഒ​രു​ക്കാ​നോ ന​ട​പ​ടി​യൊ​ന്നു​മി​ല്ല.