vax-ഓക്സ്ഫഡ് നിഘണ്ടുവിന്റെ ഇക്കൊല്ലത്തെ വാക്ക്

4 years, 8 months Ago | 635 Views

ഓക്സ്ഫഡ് ഇംഗ്ലീഷ് നിഘണ്ടു(ഒ.ഇ.ഡി.)വിന്റെ ഇക്കൊല്ലത്തെ വാക്കായി കോവിഡ് കാലത്ത് വ്യാപകമായി ഉപയോഗിച്ച ‘വാക്സ്’ (vax) തിരഞ്ഞെടുത്തു. വാക്സ് എന്നാൽ, വാക്സിൻ/വാക്സിനേഷൻ എന്നാണ് നിഘണ്ടുവിലെ അർഥം. ഈ വാക്കിന്റെ ഉപയോഗം 2021-ൽ വളരെക്കൂടി. 1980-കളിൽ ഉരുത്തിരിഞ്ഞ വാക്കാണിതെങ്കിലും ഇക്കാലമത്രയും അധികമാരും ഉപയോഗിച്ചുകണ്ടിരുന്നില്ല. ഏറ്റവും ശ്രദ്ധേയമായ സ്വാധീനമുണ്ടാക്കിയതിനാലാണ് വാക്സ് തിരഞ്ഞെടുത്തതെന്ന് ഒ.ഇ.ഡി. സീനിയർ എഡിറ്റർ ഫിയോന മക്ഫെർസൺ പറഞ്ഞു.

വാക്സീ (vaxxie), ഡബിൾ വാക്സ്ഡ് (double-vaxxed), ആന്റി വാക്സർ (anti-vaxxer) തുടങ്ങിയ വാക്കുകളും ഇതിനോടു ചേർന്ന് ഉപയോഗിക്കപ്പെട്ടു. വാക്സി എന്നാൽ, വാക്സിനേഷനിടയിൽ ഒരാൾ എടുക്കുന്ന ഫോട്ടോഗ്രാഫ്. ആന്റി വാക്സർ എന്നാൽ, വാക്സിനേഷനെ എതിർക്കുന്നയാൾ എന്നും. മഹാമാരി എന്നർഥംവരുന്ന പാൻഡമിക് എന്ന വാക്കിന്റെ ഉപയോഗം ഇക്കൊല്ലം 57,000 ശതമാനം വർധിച്ചെന്നും നിഘണ്ടുകർത്താക്കൾ കണ്ടെത്തി."