നൈന ഫെബിന് 'ഉജ്ജ്വല ബാല്യം' പുരസ്‌കാരം.

4 years, 7 months Ago | 795 Views

കേരള സംസ്ഥാന സർക്കാരിന്റെ വനിതാ-ശിശു വികസന വകുപ്പ് കുട്ടികൾക്ക് ഏർപ്പെടുത്തിയ 2020ലെ 'ഉജ്ജ്വല ബാല്യം' പുരസ്‌കാരം മുളയുടെ തോഴി നൈനാ ഫെബിന് ലഭിച്ചു.

കല, സാഹിത്യം, പരിസ്ഥിതി സംരക്ഷണം, സാമൂഹികം, ശാസ്ത്രം തുടങ്ങി വിവിധ മേഖലകളിൽ കഴിവു തെളിയിച്ച 6നും 18നും ഇടയിൽ പ്രായമുള്ളവർക്കായി വനിതാ-ശിശു വികസന വകുപ്പ് ഏർപ്പെടുത്തിയ അവാർഡാണ് നൈനയെ തേടിയെത്തിയത്. 25,000 രൂപയും പ്രശസ്തി പത്രവും അടങ്ങുന്നതാണ് അവാർഡ്.

മുളകളുടെ സംരക്ഷണത്തിനും പ്രചാരണത്തിനുമായി തന്റെ കലകളെ വിവിധ രീതികളിൽ ഉപയോഗിച്ചു കൊണ്ടിരിക്കുന്ന നൈന ഫെബിൻ 2019ലെ സംസ്ഥാന വനം വകുപ്പിന്റെ വനമിത്ര പുരസ്‌കാര ജേതാവ് കൂടിയാണ്.

കാലിക്കറ്റ് യൂണിവേഴ്‌സിറ്റി ഇ.എം.എം.ആർ.സി. 2019ൽ നൈനയുടെ മുള ജീവിതത്തെയും സംഗീതത്തെയും ആസ്പദമാക്കി നിർമിച്ച ബാംബൂ ബെല്ലാർഡ്‌സ് എന്ന ഡോക്യുമെന്ററി ഇതിനോടകം 48 ദേശീയ, അന്തർദേശീയ പുരസ്‌കാരങ്ങൾ നേടിയിട്ടുണ്ട്.

നടുവട്ടം ഗവ. ജനത ഹയർസെക്കണ്ടറി സ്‌കൂളിലെ പ്ലസ് ടു വിദ്യാർഥിനിയായ നൈന ഫെബിൻ മുളസൗഹൃദ ഗ്രാമം എന്ന തന്റെ പുതിയ പ്രോജക്ടുമായി തിരക്കിലാണ്.