ആറ് വ്യത്യസ്ത ഇനം ദിനോസറുകളുടെ കാല്‍പ്പാടുകള്‍ കണ്ടെത്തി

4 years, 5 months Ago | 495 Views

110 ദശലക്ഷം വര്‍ഷങ്ങള്‍ക്ക് മുൻപുള്ള  ആറ് വ്യത്യസ്ത ഇനം ദിനോസറുകളുടെ കാല്‍പ്പാടുകള്‍ യുകെയിലെ കെന്റിന്റെ മണ്ണില്‍ നിന്ന് കണ്ടെത്തിയതായി ഗവേഷകര്‍ അടുത്തിടെ നടത്തിയ റിപ്പോര്‍ട്ടില്‍ പറയുന്നു.

കെന്റിലെ ഫോക്ക്സ്റ്റോണിലെ തീരപ്രദേശങ്ങളിലും പാറകളിലും ഈ കാല്‍പ്പാടുകള്‍ കണ്ടെത്തിയിട്ടുണ്ട്. കൊടുങ്കാറ്റുള്ള കാലാവസ്ഥയില്‍ പാറകളുടെയും തീരദേശ ജലത്തിന്റെയും ആഘാതം കാരണം ഇവിടെ പുതിയ ഫോസിലുകള്‍ തുടര്‍ച്ചയായി കണ്ടെത്തുന്നു.

ബ്രിട്ടനിലെ അവസാന ദിനോസറുകളുടെ കാല്‍പ്പാടുകള്‍ കണ്ടെത്തിയതായി പോര്‍ട്സ്മത്ത് സര്‍വകലാശാലയിലെ പാലിയന്റോളജി പ്രൊഫസര്‍ ഡേവിഡ് മാര്‍ട്ടിന്‍ പറഞ്ഞു. പാറക്കെട്ടിലാണ് ഈ കാല്‍പ്പാടുകള്‍ കണ്ടെത്തിയിരിക്കുന്നത് . ദിനോസര്‍ കാല്‍പ്പാടുകള്‍ ഫോക്ക്സ്റ്റോണ്‍ മ്യൂസിയത്തില്‍ പ്രദര്‍ശിപ്പിച്ചിരിക്കുന്നു.