നൈപുണ്യ വികസനം

1 year, 9 months Ago | 149 Views

ബി.എസ്.എസ് - എൻ.എസ്.ഡി.സി ധാരണ 

കേന്ദ്ര സർക്കാർ സ്ഥാപനമായ നാഷണൽ സ്കിൽ ഡവലപ്മെൻറ് കോർപ്പറേഷനും (എൻ.എസ്.ഡി.സി) ദേശീയ വികസന ഏജൻസിയായ ഭാരത് സേവക് സമാജും (ബി.എസ്.എസ്) തമ്മിൽ സാർവ്വത്രിക നൈപുണ്യ വികസന പദ്ധതിക്ക് ധാരണയായിരിക്കുന്നു.

വിദ്യാഭ്യാസ-തൊഴിൽ വിദ്യാഭ്യാസ-തൊഴിൽ പരിശീലന പരിപാടികൾക്ക് ഊന്നൽ നൽകിക്കൊണ്ട് സമൂഹത്തിന്റെ നാനാ മേഖലകളുടെയും വളർച്ചക്കും വികസനത്തിനും വേണ്ടി വിവിധങ്ങളായ പദ്ധതികളും പരിപാടികളും ആവിഷ്ക്കരിച്ച് നടപ്പിലാക്കിവരുന്ന ബി.എസ്.എസിൻറ പ്രവർത്തനങ്ങൾക്ക് ഇത് കൂടുതൽ ശക്തിപകരും.

രാജ്യത്തൊട്ടാകെ വ്യാപകമായ നിലയിൽ നൈപുണ്യവികസന പരിശീലനം നടത്തുവാൻ കഴിയുംവിധമുള്ള ധാരണാപത്രമാണ് എൻ.എസ്.ഡി.സിയും ബി.എസ്.എസും തമ്മിലുണ്ടാക്കിയിട്ടുള്ളത്. മൂന്നു മണിക്കൂർ മുതൽ നാന്നൂറ് മണിക്കൂർ വരെ യുള്ള നൈപുണ്യ വികസന കോഴ്സുകൾക്കാണ് തുടക്കം കുറി ച്ചിട്ടുള്ളത്. പരിശീലനം പൂർത്തിയാക്കുന്നവർക്ക് കേന്ദ്ര സർക്കാർ സർട്ടിഫിക്കറ്റുകൾ ബി.എസ്.എസിലൂടെ വിതരണം ചെയ്യും. രാജ്യാന്തരത്തിൽ അംഗീകാരമുള്ളസർട്ടിഫിക്കറ്റുകളായിരിക്കും ഇവ. ബി.എസ്.എസിന്റെ കേന്ദ്രങ്ങളായി പ്രവർത്തിക്കുന്ന സ്ഥാപനങ്ങൾക്ക് അംഗീകാരം നൽകി അതുവഴിയാണ് പരിശീലനപരിപാടി നടപ്പിലാക്കുന്നത്. അടിസ്ഥാന സൗകര്യങ്ങളുള്ള എല്ലാ പരിശീലനകേന്ദ്രങ്ങളേയും ഈ പദ്ധതിക്കു കീഴിൽ കൊണ്ടുവരിക എന്നതാണ് ഭാരത് സേവക് സമാജിന്റെ ലക്ഷ്യം. പ്രതിവർഷം ഒരുലക്ഷം വിദ്യാർത്ഥികൾക്ക് ഈ പദ്ധതിവഴി പരിശീലനം നൽകുവാൻ ഉദ്ദേ ശിക്കുന്നു. അംഗീകൃത കരിക്കുലം അനുസരിച്ചായിരിക്കും ഈ കോഴ്സ് നടത്തുക. ആദ്യഘട്ടത്തിൽ ഓരോ പരിശീലന കേന്ദ്രങ്ങൾക്കും അഞ്ച് കോഴ്സുകൾ വീതം അ നുവദിക്കാനാണ് തീരുമാനം. കൂ ടുതൽ കാര്യക്ഷമതയോടെ പ്രവർത്തിക്കുന്ന കേന്ദ്രങ്ങൾക്ക് കൂടുതൽ കേന്ദ്രങ്ങൾ അനുവദിക്കുന്ന കാര്യവും പരിഗണിക്കും. നിരന്തരമായ ദിശാഗതി നിയന്ത്രണവും മൂല്യനിർണ്ണയവും നടത്തുന്ന നിലയിലാണ് ഈ പദ്ധതി. പദ്ധതിയുടെ തുടക്കമെന്ന നിലയിൽ നാൽപ്പത്തിനാലോളം കോഴ്സുകൾ നടപ്പിലാക്കുവാനാണ് തീരുമാനിച്ചിട്ടുള്ളത്. തുടർഘട്ടങ്ങളെന്ന നിലയിൽ കൂടുതൽ കോഴ്സുകൾ നടപ്പിലാക്കുവാനുള്ള പദ്ധതിയും ഭാരത് സേവക് സമാജ് തയ്യാറാക്കിയിട്ടുണ്ട്. പദ്ധതി സംബന്ധിച്ചും കോഴ്സുകൾ സംബന്ധിച്ചുമുള്ള വിശദവിവരങ്ങൾ 9447654645 എന്ന ഫോൺനമ്പറിൽ ലഭിക്കും.

ഈ പദ്ധതിപ്രകാരം ഭാരത് സേവക് സമാജ് പ്രഥമഘട്ടത്തിൽ ആരംഭിക്കുന്ന കോഴ്സുകൾ സംബന്ധിച്ച പട്ടിക ചുവടെ ചേർക്കുന്നു.

NSDC ALIGNED COURSES