ഭാഷാപഠനത്തില് മിടുക്ക് കോട്ടയത്തിന്; ഗണിതത്തിലും ശാസ്ത്രത്തിലും എറണാകുളം
3 years, 10 months Ago | 404 Views
കേരളത്തില് പ്രാദേശിക ഭാഷാപഠനത്തില് കോട്ടയത്തെ കുട്ടികള് ഏറ്റവും മിടുക്കരെന്ന് വിദ്യാഭ്യാസ മന്ത്രാലയത്തിന്റെ സ്കൂള് പഠനമികവ് സര്വേ. ഇംഗ്ലീഷ്, ഗണിതം, ശാസ്ത്രം, സാമൂഹികശാസ്ത്രം എന്നീവിഷയങ്ങളില് എറണാകുളമാണ് മുന്നിലെന്നും ദേശീയ അച്ചീവ്മെന്റ് സര്വേ പറയുന്നു. തിരുവനന്തപുരമാണ് ഈ വിഷയങ്ങളില് രണ്ടാംസ്ഥാനത്ത്.
മൂന്ന്, അഞ്ച്, എട്ട്, പത്ത് ക്ലാസുകളിലെ വിദ്യാര്ഥികളുടെ ഭാഷ, ഗണിതം, ശാസ്ത്രം, സാമൂഹികശാസ്ത്രം എന്നീ വിഷയങ്ങളിലെ മാര്ക്കാണ് പഠനമികവ് കണക്കാക്കാന് മാനദണ്ഡമാക്കിയത്. 2021 നവംബറിൽ നടന്ന സര്വേയില് 720 ജില്ലകളിലെ 1.18 ലക്ഷം സ്കൂളുകളിലുള്ള 34 ലക്ഷം വിദ്യാര്ഥികള് ഭാഗമായി. പ്രാദേശികഭാഷാപഠനത്തില് മലപ്പുറം, കണ്ണൂര്, ആലപ്പുഴ, തിരുവനന്തപുരം, എറണാകുളം, കൊല്ലം, തൃശ്ശൂര് ജില്ലകളാണ് കോട്ടയത്തിന് പിന്നില്വരുന്നത്.
ശാസ്ത്രവിഷയങ്ങളില് ആലപ്പുഴയ്ക്കാണ് മൂന്നാംസ്ഥാനം. കോട്ടയം, തൃശ്ശൂര്, പത്തനംതിട്ട ജില്ലകള് പിന്നിലുണ്ട്. ഗണിതത്തില് കോട്ടയത്തെ കുട്ടികളാണ് മൂന്നാംസ്ഥാനത്ത്. തൃശ്ശൂര്, കണ്ണൂര്, മലപ്പുറം ജില്ലകളാണ് തൊട്ടുപിന്നില്. സാമൂഹികശാസ്ത്രത്തില് മൂന്നും നാലും സ്ഥാനങ്ങളില് കോട്ടയവും ആലപ്പുഴയുമാണ്.
Read More in Kerala
Related Stories
ഡോ കെ.ശ്രീകുമാറിനും പള്ളിയറ ശ്രീധരനും ബാലസാഹിത്യ അക്കാദമിയുടെ പുരസ്കാരം
4 years, 11 months Ago
വാട്ടർ അതോറിറ്റിയിൽ ഉപഭോക്തൃ സേവനങ്ങൾ ഇനി വിരൽത്തുമ്പിൽ
4 years, 1 month Ago
പാമ്പുകളെ പിടികൂടാനും ആപ്പ്: വനംവകുപ്പിന്റേതാണ് സര്പ്പ ആപ്പ്
4 years, 7 months Ago
എല്ലാ പഞ്ചായത്തുകളിലും ഐ. എൽ. ജി. എം. എസ് സംവിധാനമായി
3 years, 11 months Ago
പകർച്ചവ്യാധി: സ്ഥിരം ഐസലേഷൻ വാർഡുകൾ സജ്ജമാക്കുന്നു
4 years, 1 month Ago
Comments