പാബ്ലോ നെരൂദ

4 years, 9 months Ago | 716 Views

ഇരുപതാം നൂറ്റാണ്ടിലെ പ്രമുഖരായ കവികളിൽ പ്രധാനിയായിരുന്നു പാബ്ലോ നെരൂദ. ചിലിയിൽ 1904 -ലാണ്  നെരൂദ ജനിച്ചത്. 'നെഫ്താലി റിക്കാർഡോ റെയ്സ്ബസാൾട്ടൊ' എന്നതാണ് ശരിയായ പേര്. പാബ്ലോനെരൂദ  എന്നത് തൂലികാനാമം. എന്നാൽ അദ്ദേഹം എന്നും അറിയപ്പെട്ടിരുന്നത് തൂലികാനാമത്തിലാണ്. 20-ാം വയസ്സിൽ    പ്രസിദ്ധീകരിച്ച 'ട്വിന്റി ലൗ പോയംസ് ആൻഡ് സോങ് ഓഫ് ഡസ് പെയർ' എന്ന കാവ്യത്തിലൂടെ പ്രശസ്തി നേടി വിവിധ രാജ്യങ്ങളിൽ ചിലിയുടെ  സ്ഥാനപതിയായും പ്രവർത്തിച്ചു. 1948-ൽ ചിലിയിലെ ഭരണമാറ്റത്തെ തുടർന്ന് അറസ്റ് ഒഴിവാക്കാനായി രാജ്യം വിട്ടു. 1952 ൽ തിരിച്ചെത്തി . 1971 ൽ  നോബൽ സാഹിത്യസമ്മാനം ലഭിച്ചു.  ചിലിയിലെ ഇടതുപക്ഷ പ്രസിഡന്റും സുഹൃത്തുമായ സാൽവദോർ അലൻഡെയെ 1973 ൽ അമേരിക്കൻ സഹായത്തോടെ പട്ടാളം വധിച്ചത് നെരൂദയെ തളർത്തി. 1973 സെപ്റ്റംബർ 23 ന് സാന്റിയോഗോയിൽ വച്ച് അന്തരിച്ചു. പ്രധാന കൃതികൾ റെസിഡൻസ് ഓൺ എർത്ത്, സ്പെയിൻ ഇൻ മൈ ഹാർട്ട്, കാന്റോ ജനറൽ, പൊളിറ്റിക്കൽ പൊയംസ് , മെമ്മയേഴ്സ്  (ആത്മകഥ).