ടോക്യോയില്‍ മൂന്നാം സ്വര്‍ണം സ്വന്തമാക്കി കയ്ലെബ് ഡൊസ്സെല്‍

4 years, 9 months Ago | 425 Views

ടോക്യോയില്‍ തന്റെ മൂന്നാം സ്വര്‍ണവും സ്വന്തമാക്കി അമേരിക്കയുടെ നീന്തല്‍ താരം കയ്ലെബ് ഡ്രെസ്സെല്‍. പുരുഷന്‍മാരുടെ 100 മീറ്റര്‍ ബട്ടര്‍ ഫ്ളൈയില്‍ ലോകറെക്കോഡോടെയാണ് ഡ്രെസ്സെലിന്റെ സ്വര്‍ണ നേട്ടം. 100 മീറ്റര്‍ ഫ്രീസ്റ്റൈലിലും 4×400 മീറ്റര്‍ ഫ്രീസ്റ്റൈല്‍ റിലേയിലുമാണ് ഡ്രെസ്സെല്‍ നേടിയ മറ്റ് സ്വര്‍ണങ്ങള്‍. 49.45 സെക്കന്‍ഡില്‍ ഫിനിഷ് ചെയ്ത താരം 2019-ല്‍ താന്‍ തന്നെ സ്ഥാപിച്ച 40.50 സെക്കന്‍ഡ് ഫിനിഷാണ് പഴങ്കഥയാക്കിയത്.

ഈ ഇനത്തിലെ ഒളിമ്പിക്‌ റെക്കോഡും ഡ്രെസ്സെലിന്റെ പേരില്‍ തന്നെയാണ്. ഹംഗറിയുടെ ക്രിസ്റ്റോഫ് മിലാക്കിനാണ് (49.68) ഈയിനത്തില്‍ വെള്ളി. സ്വിറ്റ്സര്‍ലന്‍ഡിന്റെ നോ പോണ്‍ഡി (50.74) വെങ്കലം സ്വന്തമാക്കി.