യാത്രക്കാരിൽനിന്ന് പരാതി വ്യാപകം: 14 ഇ-കാറ്ററിങ് വെബ്‌സൈറ്റുകൾ റെയിൽവേ നിരോധിച്ചു

3 months, 2 weeks Ago | 73 Views

ട്രെയിനുകളിൽ ഭക്ഷണമെത്തിക്കുന്ന 14 ഇ-കാറ്ററിങ് വെബ്‌സൈറ്റുകൾ ഇന്ത്യൻ റെയിൽവേ കാറ്ററിങ് ആൻഡ് ടൂറിസം കോർപ്പറേഷൻ (ഐ.ആർ.സി.ടി.സി.) നിരോധിച്ചു. യാത്രക്കാരിൽനിന്ന് വ്യാപകമായ പരാതികൾ ഉയർന്നതിനെത്തുടർന്നാണിത്.

ഭക്ഷണം എത്തിക്കാത്തതും ഭക്ഷണത്തിന്റെ ഗുണനിലവാരം സംബന്ധിച്ചും പരാതികൾ റിപ്പോർട്ട് ചെയ്തിരുന്നു. റീഫണ്ട് തർക്കങ്ങളും ഉടലെടുത്തിരുന്നു. railrestro.com / railrestro.in, railmitra.com, travelkhana.com, trainscafe.com, dibrail.com, railfood.net, comesum.com, travelerfood.com, foodontrack.in, ecatering.app, khanaonline.in, trainway.in, railmeal.com, trainmenu.com എന്നീ വെബ്‌സൈറ്റുകൾക്കെതിരെയാണ് നടപടി സ്വീകരിച്ചിട്ടുള്ളതെന്ന് ഐ.ആർ.സി.ടി.സി. അറിയിച്ചു.

ഐ.ആർ.സി.ടി.സി.യുടെ ഇ-കാറ്ററിങ് പ്ലാറ്റ്‌ഫോമുകളാണെന്ന് അവകാശപ്പെട്ടായിരുന്നു ഇവയുടെ പ്രവർത്തനം. എന്നാൽ, ഭക്ഷണം തങ്ങളുടെ ക്ലൗഡ്കിച്ചണുകളിൽനിന്നോ തങ്ങളുമായി ബന്ധപ്പെട്ട ബ്രാൻഡുകളിൽനിന്നോ അല്ലെന്ന് ഐ.ആർ.സി.ടി.സി. വ്യക്തമാക്കി. ഇവരുടെ ഭക്ഷണം അതിനാൽത്തന്നെ പരിശോധിക്കുന്നില്ലെന്നും ഐ.ആർ.സി.ടി.സി. അറിയിച്ചു.

ഇത്തരം വെബ്‌സൈറ്റുകളിൽ പലതും യാത്രക്കാരുടെ പി.എൻ.ആർ. നമ്പറുകൾ, മൊബൈൽ നമ്പറുകൾ, ഇമെയിൽ വിലാസങ്ങൾ, പെയ്മന്റ് വിശദാംശങ്ങൾ എന്നിവയുൾപ്പെടെയുള്ള വിവരങ്ങൾ ശേഖരിക്കുന്നു. ഇത് ഓൺലൈൻ തട്ടിപ്പ്, വ്യക്തിഗത ഡേറ്റയുടെ ദുരുപയോഗം തുടങ്ങിയ അപകടസാധ്യതകളിലേക്ക് യാത്രക്കാരെ എത്തിക്കുന്നു.

ഔദ്യോഗിക ഇ-കാറ്ററിങ് വെബ്‌സൈറ്റ്, ഫുഡ് ഓൺ ട്രാക്ക് മൊബൈൽ ആപ്പ്, 1323 ഹെൽപ്പ്ലൈൻ എന്നിവയിലൂടെ മാത്രമേ യാത്രക്കാർ ഭക്ഷണം ഓർഡർ ചെയ്യാവൂയെന്ന് ഐ.ആർ.സി.ടി.സി. നിർദേശിച്ചിട്ടുണ്ട്.

യാത്രക്കാരിൽനിന്ന് പരാതി വ്യാപകം: 14 ഇ-കാറ്ററിങ് വെബ്‌സൈറ്റുകൾ റെയിൽവേ നിരോധിച്ചു

Read More in India

രാജ്യത്ത് ആദ്യമായി സ്കൂൾ അധ്യാപകരുടെ എണ്ണം ഒരു കോടി കടന്നു; കേന്ദ്ര റിപ്പോർട്ട്

ഡൽഹി-സിലിഗുരി യാത്രയ്ക്ക് 20 മണിക്കൂറിനുപകരം 6 മണിക്കൂർ; 4 ബുള്ളറ്റ് ട്രെയിൻ പദ്ധതികൾ ട്രാക്കിലേക്ക്

ഇന്ത്യൻ മാമ്പഴങ്ങളുടെ ഇറക്കുമതി നിരോധിച്ച് ജപ്പാൻ; അണുവിമുക്തമാക്കുന്നതിൽ വീഴ്ച, കർഷകർക്ക് തിരിച്ചടി

ഇഡി ജീവനക്കാരുടെ എണ്ണം വർധിപ്പിക്കാൻ കേന്ദ്ര ധനകാര്യ മന്ത്രാലയം; 60% തസ്തികകൾ ഉയർത്തി

Comments

Related Stories

സ്വതന്ത്ര സമുദ്രപാത ആവശ്യം: യുഎൻ രക്ഷാസമിതിയിൽ മോദി

അഗ്നി-5 മിസൈല്‍ ഇന്ത്യ വിജയകരമായി പരീക്ഷിച്ചു

50 പൈസ മുടക്കിയാൽ 10 ലക്ഷം രൂപയുടെ ഇൻഷുറൻസ് വാഗ്ദാനം ചെയ്ത് ഇന്ത്യൻ റെയിൽവേ

വീരചക്ര ഏറ്റുവാങ്ങി അഭിനന്ദൻ വർധമാൻ

ജസ്റ്റീസ് അരുണ്‍ മിശ്ര ദേശീയ മനുഷ്യാവകാശ കമ്മീഷന്‍ ചെയര്‍മാന്‍

മൗലിക കർത്തവ്യങ്ങൾ

ശക്തി, വേഗ ഇന്ത്യൻ ഇലക്ട്രോണിക് ചിപ്പുകൾ അടുത്ത വർഷം

Magazine

Business

Sports

Arts

Politics