ചരിത്രമെഴുതി ജബേയുറിന് മാഡ്രിഡ് ഓപ്പൺ കിരീടം

3 years Ago | 515 Views

ആദ്യമായി ഒരു ഡബ്ളിയു.ടി.എ 1000 ടൂർണമെന്റിൽ കിരീടം നേടുന്ന ആഫ്രിക്കൻ താരമായി ചരിത്രമെഴുതി ടുണീഷ്യക്കാരി ഓൻസ് ജബേയുർ. 

മാഡ്രിഡ് ഓപ്പൺ ഫൈനലിൽ അമേരിക്കൻ താരം ജസീക്ക പെഗുലയെ 7-5 0-6 6-2 എന്ന സ്കോറിന് കീഴടക്കിയ ജബേയുർ ടെന്നീസ് ലോകറാങ്കിംഗിൽ ആദ്യ പത്തിലെത്തുന്ന ആദ്യ അറബ് വംശജയായ താരം കൂടിയാണ്.

ആദ്യ സെറ്റിൽ 1-4ന് പിന്നിട്ടുനിന്ന ശേഷം 7-5ന് സെറ്റ് നേടിയ ജബേയുറിന് രണ്ടാം സെറ്റിൽ ഒരു പോയിന്റ് പോലും നേ‌ടാൻ കഴിഞ്ഞിരുന്നില്ല. എന്നാൽ നിർണായകമായ മൂന്നാം സെറ്റിൽ 6-2ന് വിജയം നേടി ജബേയുർ കിരീടമണിയുകയായിരുന്നു. 27കാരിയായ ജബേയുറിന്റെ കരിയറിലെ രണ്ടാം കിരീ‌ടമാണിത്. കഴിഞ്ഞ വർഷം ബർമിംഗ്ഹാം ഓപ്പൺ നേടിയിരുന്നു.