ജൂലൈ മാസത്തെ പ്രധാന ദിവസങ്ങൾ

1 year, 8 months Ago | 157 Views

ഓർത്തുവയ്ക്കേണ്ടതും പ്രധാനപ്പെട്ടതുമായ ഒട്ടേറെ സംഭവങ്ങളുടെ മാസമാണ് ജൂലായ്. ഒരുതരത്തിലല്ലെങ്കിൽ മറ്റൊരുതരത്തിൽ ഇവയെല്ലാംതന്നെ തുല്യ പ്രാധാന്യമർഹിക്കുന്നു.

ജൂലായ് 1

 തിരുവിതാംകൂറും കൊച്ചിയും തമ്മിൽ തമ്മിൽ സംയോജിക്കുന്നത് ജൂലായ് 1 നാണ്.  ഇവ രണ്ടും ചേർന്ന് തിരു-കൊച്ചി രൂപം കൊണ്ടത് 1948 ലായിരുന്നു. കേരള ചരിത്രത്തിലെ സുപ്രധാന ദിനമാണ് ജൂലായ് 1. പ്രസിദ്ധ കഥാകാരൻ പി. കേശവദേവിന്റെ ചരമദിനവും ഈ ദിവസമാണ്. മലയാള സാഹിത്യത്തിലെ അക്കാലത്തെ 'നിഷേധി'യെന്നു വിളിക്കപ്പെട്ടിരുന്ന കേശവദേവിന്റെ പല സൃഷ്ടികളും ഇന്നും മികച്ചുതന്നെ നില്ക്കുന്നു. അടിയന്തരാവസ്ഥയെ അനുകൂലിച്ച് പ്രസംഗിച്ചതിന് പി. കേശവദേവ് കടുത്ത വിമർശനങ്ങൾ നേരിടേണ്ടി  വന്നിട്ടുണ്ട്.

ജൂലായ് 2

 കേശവദേവിനെപോലെ തന്നെ ആ കാലട്ടത്തിലെ പ്രമുഖ കഥാകാരന്മാരിലൊരാളായ പൊൻകുന്നം വർക്കിയുടെ ചരമദിനം ജൂലായ് 2 നാണ്.

ജൂലായ് 3

ക്രൈസ്‌തവ സമൂഹത്തിന്റെ പ്രധാനപ്പെട്ട ദിവസങ്ങളിലൊന്നാണ് ജൂലായ് 3 സെൻറ് തോമസ് ഡേ ആയി ആചരിക്കപ്പെടുന്നു.

ജൂലായ് 4

 രണ്ടു കാലിൽ സഞ്ചരിച്ച ഒരു കൊടുങ്കാറ്റ് ജന്മംകൊണ്ട ദിവസമാണ് ജൂലായ് 4 പാവപ്പെട്ടവരുടെ പടത്തലവനെന്നറിയപ്പെടുന്ന എ. കെ. ഗോപാലന്റെ (എ.കെ.ജി) ജന്മദിനമാണിത്. 1964 ജൂലായ് 4 നായിരുന്നു എ.കെ.ജിയുടെ ജനനം.

ജുലായ് 5

ബേപ്പൂർ സുൽത്താൻ എന്നറിയപ്പെടുന്ന കഥാകാരൻ വൈക്കം മുഹമ്മദ് ബഷീറിന്റെ ചരമദിനമാണ് ജൂലായ് 5. ബഷീറിന്റെ പല കൃതികൾക്കും ഇന്നും വായനക്കാർ ധാരാളമുണ്ട്....

ജൂലായ് 7

സ്വാതന്ത്ര്യസമരസേനാനിയും തിരു -കൊച്ചി മുഖ്യമന്ത്രിയുമായിരുന്ന സി. കേശവന്റെ ചരമദിനമാണ് ജൂലായ് 7. 1891 മെയ് 23 ന് കൊല്ലം ജില്ലയിലെ മയ്യനാട്ട് ജനിച്ച അ ദ്ദേഹം പൊതു പ്രവർത്തന രംഗത്ത് തിളക്കമാർന്ന സംഭാവനകളാണ് നൽകിയിട്ടുള്ളത്. എസ്.എൻ.ഡി.പി യോഗത്തിന്റെ ജനറൽ സെക്രട്ടറിയായി പ്രവർത്തിച്ച അദ്ദേഹം വിവർത്തന പ്രയോഗത്തിന്റെ നേതാക്കളിൽ പ്രമുഖനായിരുന്നു. വിഖ്യാതമായ കോഴഞ്ചേരി പ്രസംഗത്തിന്റെ പേരിൽ അറസ്റ്റ് ചെയ്യപ്പെട്ടു.

ജൂലായ് 8

സ്വാതന്ത്ര്യസമര സേനാനി, ഭരണതന്ത്രജ്ഞൻ, മുൻ മുഖ്യമന്ത്രി. 1918 ജൂലൈ എട്ടിന് കണ്ണൂർ ചിറയ്ക്കലിൽ ജനിച്ചു. കൊച്ചി രാജ്യപ്രജാ മണ്ഡലത്തിൽ പ്രവർത്തിച്ചുകൊണ്ട് രാഷ്ട്രീയത്തിലെത്തി. തുടർന്ന് കോൺഗ്രസിന്റെ തൊഴിലാളി സംഘടനാ പ്രവർത്തകൻ. 1971-ൽ കേരളത്തിന്റെ ആഭ്യന്തരമന്ത്രി. 1977, 1981, 1982, 1991 എന്നീ വർഷങ്ങളിൽ നാലുപ്രാവശ്യം കേരളത്തിന്റെ മുഖ്യമന്ത്രിയായി വിവിധ മന്ത്രിസഭകൾ നയിച്ചു. "ലീഡർ' എന്ന പേരിൽ അറിയപ്പെട്ടു. 1996-ൽ കേന്ദ്രവ്യവസായ മന്ത്രിയായി. അഞ്ചു വ്യത്യസ്തസഭകളിൽ അംഗമായ ഏക വ്യക്തികൂടിയാണ് കെ. കരുണാകരൻ. കൊച്ചി, തിരു-കൊച്ചി, കേരളം എന്നീ നിയമ സഭകൾക്ക് പുറമെ ലോക്സഭയിലും രാജ്യസഭയിലും അംഗമായിട്ടുണ്ട്. 2010 ഡിസംബർ 23 ന് അന്തരിച്ചു.

 ജൂലായ് 10

പ്രസിദ്ധ സാഹിത്യകാരൻ പി.സി. കുട്ടികൃഷ് ണൻ (ഉറൂബ്) ചരമദിനമാണ് ജൂലായ് 10 എൻ. കൃഷ്ണപിള്ള ചരമദിനവും ജൂലായ് 10 നാണ്.

ജൂലായ് 11

ജൂലായ് 11 ലോക ജനസംഖ്യാദിനമാണ്. ലോക ജനസംഖ്യ 500 കോടിയായി തികച്ച കുഞ്ഞിന്റെ ജനനദിനമാണ് ലോക ജനസംഖ്യാ ദിനമായി ആചരിക്കുന്നത്. 500 കോടി തികച്ച കുഞ്ഞായി ഐക്യരാഷ്ട്രസഭ പ്രഖ്യാപിച്ച കുട്ടിയാണ് മാരേജ് ഗാസ്പർ. 1987 ജൂലായ് 11 ന് കിഴക്കൻ യൂറോപ്പിലെ ക്രൊയേഷ്യയുടെ തലസ്ഥാനമായ സാറ പമ്പിലാണ് താഗാസ് പൂർ പിറന്നത്. അതിശയിപ്പിക്കുന്ന നിലയിലാണ് ലോകജനസംഖ്യ വർദ്ധിക്കുന്നതെന്ന് ഭയപ്പെടുത്തുന്ന സത്യമാണ്.

ജൂലായ് 14

ആർഷഭാരതത്തിന് കാലം സമ്മാനിച്ച അനർഘരത്നമായ വിവേകാനന്ദൻ കാലയവനികയ്ക്കുള്ളിൽ മറഞ്ഞത്. 1902 ലായിരുന്നു. 1893-ൽ ചിക്കാഗോയിലെ മതമഹാസമ്മേളനത്തിലും തുടർന്ന അമേരിക്കയിലും ഇംഗ്ലണ്ടിലും നാലരവർഷം തുടർച്ചയായി സ്വാമിജി ചെയ്ത പ്രഭാഷണങ്ങളുടെയും പ്രവർത്തനങ്ങളുടെയും ഫലമായി പടിഞ്ഞാ റൻ നാടുകളിൽ ഭാരത്തെക്കുറിച്ചുണ്ടായിരുന്ന അഭിപ്രായം മാറുകയും ആദ്ധ്യാത്മികതയുടേയും മതസഹിഷ്ണുതയുടേയും സാംസ്കാരിക പാരമ്പര്യത്തിന്റേയും കേന്ദ്രമെന്ന നിലയിൽ ഭാരതത്തിന്റെ പ്രതിഛായ വളരെയേറെ ഉയരുകയും ചെയ്തു.

കാൽലാന്റ് സ്റ്റയിനറുടെ ജന്മദിനവും ജൂലായ് 14 നാണ്. 1885 ജൂലായിലായിരുന്നു അദ്ദേ ഹത്തിന്റെ ജനനം. മനുഷ്യരുടെ രക്തഗ്രൂപ്പുകൾ കണ്ടുപിടിച്ച മെഡിക്കൽ രംഗത്തെ വിദഗ്ദ്ധനാണ് കാൽലാന്റ് സ്റ്റയിനർ.

ജൂലായ് 15

ജൂലായ് 15 ന് പട്ടം താണുപിള്ള ജന്മദിനമാണ്. രാഷ്ട്രീയ രംഗത്ത് ഏറെ ശ്രദ്ധേയനായ പട്ടംതാണുപിള്ള അന്നത്തെ പ്രജാസോഷ്യലിസ്റ്റ് പാർട്ടിയുടെ നേതാവായിരുന്നു. മുസ്ലീംലീഗ് നേതാവും ഉപമുഖ്യമന്ത്രിയുമായിരുന്ന സി.എച്ച് മുഹമ്മദ് കോയ ജന്മദിനവും ഇതേതീയതിലാണ്. മലയാളത്തിന്റെ മഹാകഥാകാരനും മലയാളസാഹിത്യത്തിന്റെ അഹങ്കാരവും അഭിമാനവുമായ എം.ടി വാസുദേവൻനായരുടെ ജന്മദിനവും ജൂലായ് 15 നാണ്.

ജൂലായ് 17

വിദ്യാഭ്യാസരംഗത്ത് തിളങ്ങിനിന്ന ജോസഫ് മുണ്ടശേരിയുടെ ജന്മദിനം ജൂലായ് 13 നാണ്. 1903 ജൂലായ് 17 നായിരുന്നു മുണ്ടശ്ശേരിയുടെ ജനനം. കേരളം കണ്ട മികച്ച വിദ്യാഭ്യാസവകുപ്പു മന്ത്രിമാരിൽ പ്രമുഖനാണ് ജോസഫ് മുണ്ടശ്ശേരി.

മലയാളികളെ അക്ഷരത്തിന്റെയും അറിവിന്റെയും ലോകത്തോട് കൈപിടിച്ചുയർത്തുകയും അതിനായി സ്വ ജീവിതം ഉഴിഞ്ഞുവയ്ക്കുകയും ചെയ്ത ത്യാഗധനനായ പി.എൻ പണിക്കരുടെ ജന്മദിനവും ജൂലായ് 17 നാണ്.

ജൂലായ് 18

എ.ആർ രാജരാജ വർമ്മയുടെ ചരമദിനമാണ് ജൂലായ് 18.

ജൂലായ് 21

മലയാളത്തിലെ പ്രമുഖ കഥാകാരൻ പി. കേശവദേവിന്റെ ജന്മദിനം ജൂലായ് 21 നാണ്.

ജൂലായ് 22

കൊട്ടാരത്തിൽ ശങ്കുണ്ണിയുടെ ചരമദിനം ജൂലായ് 22 നാണ്. ഐതിഹ്യമാല എന്ന കൊട്ടാരത്തിൽ ശങ്കുണ്ണിയുടെ കൃതി അഖിലേന്ത്യാ തലത്തിൽ തന്നെ പ്രശസ്തിയാർജ്ജിച്ചിട്ടുള്ളതാണ്.

ജൂലായ് 22 ന്റെ ഏറ്റവും വലിയ പ്രാധാന്യം ഈ ദിവസമാണ് രാജ്യത്തിന്റെ ദേശീയ പതാക അംഗീകരിച്ചത് എന്നതാണ്. 1947 ജൂലായ് 22 നായിരുന്നു അത്.

ജൂലായ് 23

കോഴിക്കോട് സർവ്വകലാശാല ആരംഭിക്കുന്നത് 1968 ജൂലായ് 23 നാണ്.

ബാലഗംഗാധരതിലകൻ ജന്മദിനവും ഇതേദിവസമാണ്. 1856 ജൂലായ് 23 നാണ് ബാലഗംഗാധരതിലകൻ ജന്മദിനം.

ജൂലായ് 26

വിശ്വവിഖ്യാത സാഹിത്യകാരൻ ബർനാഡ്ഷായുടെ ജന്മദിനമാണ് ജൂലായ് 26. 1856 ജൂലായ് 26 നായിരുന്നു ജനനം.

ജൂലായ് 26 കാർഗിൽ വിജയദിനമാണ്. ഇൻഡ്യൻ പ്രതിരോധസേനകളിലെ ചുണക്കുട്ടന്മാർ ചതിയന്മാരായ പാകിസ്ഥാനികളെ ഇൻഡ്യൻ മണ്ണിൽ നിന്നും പായിച്ച ദിനം.

ഇന്ത്യയുടെയും പാകിസ്ഥാന്റെയും അതിർത്തിനിർണയിക്കുന്ന നിയന്ത്രണരേഖ (ലൈൻ ഓഫ് കൺട്രോൾ) കടന്നുപോകുന്നത് കാർഗിലിൽ കൂടിയാണ്. അതുകൊണ്ട് ഇന്ത്യ-- പാക് യുദ്ധത്തിന്റെ പ്രധാന കേന്ദ്രവും ഇവിടെത്തനെ. കശ്മീരിന്റെ ഭാഗമാണ് ഇന്ന് കാർഗിൽ ജില്ലയും കാർഗിൽ പട്ടണവും. ഇന്ത്യാ വിഭജന സമയത്തുതന്നെ തുടങ്ങിയതാണ് പാകിസ്ഥാനും ഇന്ത്യയും തമ്മിലുള്ള അതിർത്തി തർക്കം. 1947-ലെ ഒന്നാം കർമീർ യുദ്ധത്തിന്റെ ഫലമായി കശ്മീരിന്റെ ഭാഗമായ കാർഗിലിന്റെ ഭൂരിഭാഗവും ഇന്ത്യയോടൊപ്പമായി. 1965-ലും 1971-ലും നടന്ന ഇന്ത്യ-പാക് യുദ്ധങ്ങളിൽ അവശേഷിക്കുന്ന ഭാഗം കൂടി ഇന്ത്യ പിടിച്ചെടുത്തു.

ജൂലായ് 28

ഒന്നാംലോകമഹായുദ്ധം ആരംഭിച്ചത് ജൂലായ് 28 നാണ്. 1914 ലായിരുന്നു അത്.

ജൂലായ് 29

ജൂലായ് 29 നാണ് ഇരയിമ്മൻതമ്പിയുടെ ചരമദിനം.