ജൂൺ ഡയറി

1 year, 8 months Ago | 168 Views

ജൂൺ 1  

വിശിഷ്ട സേവാ മെഡൽ നേടിയ എയർ മാർഷൽ രാജേഷ് കുമാർ ആനന്ദ്, എയർ ഓഫീസർ ഇൻ ചാർജ് അഡ്മിനിസ്ട്രേഷൻ (എഒഎ) ആയി ചുമതലയേറ്റു. എയർ ഓഫീസർ-ഇൻ-ചാർജ് അഡ്മിനിസ്ട്രേഷൻ എന്ന നിലയിൽ, മനുഷ്യവിഭവശേഷി, ലോജിസ്റ്റിക്സ്, ഇൻഫ്രാസ്ട്രക്ചർ,ക്ഷേമം എന്നിവ ഉൾപ്പെടെ ഇന്ത്യൻ എയർഫോഴ്സിന്റെ ഭരണപരമായ പ്രവർത്തനങ്ങൾ എഒഎ മേൽനോട്ടം വഹിക്കുന്നു. ആധുനിക വൽക്കരണ ശ്രമങ്ങൾ നടത്തുന്നതിനും സ്ഥാപനത്തിനുള്ളിൽ ഭരണപരമായ കാര്യക്ഷമത മെച്ചപ്പെടുത്തുന്നതിനും എ ഒ എ നിർണായക പങ്കുവഹിക്കുന്നു.

ഇന്ത്യൻ വ്യോമസേനയുടെ കിരൺ ട്രെയിനർ വിമാനം കർണാടകയിലെ ചാംരാജ്നഗറിന് സമീപം പതിവ് പരിശീലനത്തിനിടെ തകർന്നു വീണു. ബെംഗളൂരുവിൽ 136 കിലോമീറ്റർ അകലെ ചാംരാജ് നഗർ ജില്ലയ്ക്ക് സമീപമാണ് വിമാനം തകർന്നു വീണത്.

ജൂൺ 2

ഒമാനിലെ സലാലയിലെ സുൽത്താൻ ഖാബൂസ് യൂത്ത് കോംപ്ലക്സ് സ്റ്റേഡിയത്തിൽ നടന്ന 2023 പുരുഷ ജൂനിയർ ഏഷ്യാകപ്പിന്റെ ഫൈനലിൽ ഇന്ത്യ ഹോക്കി ടീം 2-1 ന് ചിരവൈരികളായ പാക്കിസ്ഥാനെ പരാജയപ്പെടുത്തി. ഈ കിരീട നേട്ടത്തോടെ പുരുഷ ജൂനി യർ ഏഷ്യാകപ്പിന്റെ ചരിത്രത്തിലെ വിജയിയായി ഇന്ത്യ മാറി.

യൂണിവേഴ്സൽ പോസ്റ്റൽ യൂണിയന്റെ (യു.പി. യു) റീജിയണൽ ഓഫീസ് ന്യൂഡൽഹിയിൽ സ്ഥാപിക്കാൻ മന്ത്രിസഭ ഇന്ന് അംഗീകാരം നൽകി. യു പിയുവുമായി കരാറിലേർപ്പെട്ട് മേഖലയിൽ യുപിയുവിന്റെ വികസന സഹകരണവും സാങ്കേതിക പ്രവർത്തനങ്ങളും ഏറ്റെടുക്കുകയാണ് ലക്ഷ്യം. ഈ സംരംഭം നയതന്ത്രബന്ധം ശക്തിപ്പെടുത്തുകയും ഏഷ്യാ-പസഫിക്   മേഖലയ്ക്ക് പ്രത്യേക ഊന്നൽ നൽകിക്കൊണ്ട് ആഗോള തപാൽ ഫോറത്തിൽ ഇന്ത്യയുടെ സാന്നിധ്യം വർദ്ധിപ്പിക്കുകയും ചെയ്യും. 1874ലെ ബേൺ ഉടമ്പടി പ്രകാരം സ്ഥാപിതമായ യൂണിവേഴ്സൽ പോസ്റ്റൽ യൂണിയൻ (യു. പി. യു) ലോകമെമ്പാടുമുള്ള അംഗരാജ്യങ്ങൾക്കിടയിൽ തപാൽ നയങ്ങൾ ഏകോപിപ്പിക്കുന്ന ഐക്യരാഷ്ട്ര സഭയുടെ (യു എൻ) ഒരു പ്രത്യേക ഏജൻസിയാണ്.

ജൂൺ 3

വേൾഡ് മെറ്റീരിയോളജിക്കൽ ഓർഗനൈസേഷന്റെ (ഡബ്ല്യു.എം.ഒ) ആദ്യ വനിതാ സെക്രട്ടറി ജനറലായി അർജൻറീനയുടെ സെലസ്റ്റെ സൗലോ നിയമിതയായി. ജനീവയിൽ നടന്ന യുഎൻ കാലാവസ്ഥാ, ഏജൻസിയുടെ കോൺഗ്രസ്സിൽ വൻ ഭൂരിപക്ഷത്തിലാണ് സൗലോ വിജയിച്ചത്. 2014 മുതൽ അർജന്റീനയുടെ നാഷൺ മെറ്റീരി യോളജിക്കൽ സർവീസിന്റെ ഡയറക്ടറായി സൗലോ സേവനമനു ഷ്ഠിച്ചിട്ടുണ്ട്.

ഇന്ത്യൻ വംശജൻ അജയ് ബാംഗ ലോകബാങ്കിന്റെ അടുത്ത പ്രസിഡൻറാകും. അഞ്ചു വർഷത്തേക്കാണ് പ്രസിഡന്റായി അജയ് ബാംഗയെ നിയമിച്ചിരിക്കുന്നത്. 25 അംഗ എക്സിക്യൂട്ടീവ് ബോർഡാണ് ബാംഗയെ പ്രസിഡന്റായി തിരഞ്ഞെടുത്തത്.

ജൂൺ 4

ബിഷ്കെക്കിൽ നടന്ന യു ഡബ്ല്യൂ ഡബ്ല്യൂ റാങ്കിംഗ് സീരീസ് ഇവൻറിൽ ഇന്ത്യൻ ഗ്രാപ്ലർമാർ മൂന്ന് മെഡലുകളുമായി സൈൻ ഓഫ് ചെയ്തു. മനീഷ സ്വർണം നേടി, റീതിക മികച്ച രണ്ടാം സ്ഥാനത്തെത്തി, സരിതാ മോർ വെങ്കലം നേടി. ഒരു സ്വർണവും ഒരു വെള്ളിയും 2 വെങ്കലവുമടക്കം നാല് മെഡലുകളാണ് പരമ്പരയിലെ ഇന്ത്യയുടെ നേട്ടം.

ജൂൺ 5 

നമ്മുടെ ഗ്രഹത്തിന്റെ സംരക്ഷണത്തിനായുള്ള അവബോധം വളർത്തുന്നതിനും പ്രോത്സാഹിപ്പിക്കുന്നതിനുമായി എല്ലാ വർഷവും ജൂൺ 5ന് ലോക പരിസ്ഥിതി ദിനം ആഘോഷിക്കുന്നു. 1972-ൽ യുണൈറ്റഡ് നേഷൻസ് ജനറൽ അസംബ്ലിയാണ് ഇത് ആദ്യമായി സ്ഥാപിച്ചത്. ബീറ്റ് പ്ലാസ്റ്റിക് പൊല്യൂഷ്യൻ എന്നതാണ് ഇക്കൊല്ലത്തെ പരിസ്ഥിതി ദിനത്തിന്റെ മുദ്രാവാക്യം ഇത്തവണ പടിഞ്ഞാറൻ ആഫ്രിക്കൻ രാജ്യമായ ഐവറി കോസ്റ്റാണ് പരിസ്ഥിതി ദിനത്തിന്റെ ആതിഥേയർ 2014 മുതൽ പൂർണ്ണ മായും പ്ലാസ്റ്റിക് ബാഗുകൾക്ക് നിരോധനം ഏർ പ്പെടുത്തിയ രാജ്യം കൂടിയാണ് കോട്ട് ഡിവോർ.

ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐ ഐ ടി) മദ്രാസ് തുടർച്ചയായ അഞ്ചാം വർഷവും രാജ്യത്തെ സ്ഥാപനങ്ങളിൽ ഒന്നാം സ്ഥാനം നിലനിർത്തി ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് (ഐ ഐ എസ് സി) ബെംഗളൂരു മികച്ച സർവകലാശാലയും ഗവേഷണ സ്ഥാപനവുമായി തിരഞ്ഞെടുക്കപ്പെട്ടു. വിദ്യാഭ്യാസ മന്ത്രാലയത്തിന്റെ ദേശീയ സ്ഥാപന റാങ്കിംഗ് ചട്ടക്കൂടിലേക്ക് കേന്ദ്ര വിദ്യാഭ്യാസ സഹമന്ത്രി രാജ്കുമാർ രഞ്ജൻ സിംഗാണ് റാങ്ക് പട്ടിക വെള്ളിയാഴ്ച പ്രഖ്യാപിച്ചത്.

ജൂൺ 6 

ജനറൽ അസംബ്ലിയിൽ നടന്ന വോട്ടെടുപ്പിനെത്തുടർന്ന് അഞ്ച് രാജ്യങ്ങളെ യു.എൻ സുരക്ഷാ കൗൺസിലിലെ സ്ഥിരമല്ലാത്ത അംഗങ്ങളായി തിരഞ്ഞെടുത്തു. അൾജീരിയ, ഗയാന, റിപ്പബ്ലിക് ഓഫ് കൊ റിയ, സിയറ ലിയോൺ, സ്ലോവേനിയ എന്നിവ അന്താരാഷ്ട്ര സമാധാനവും സുരക്ഷയും നിലനി ർത്തുന്നതിനുളള പ്രീമിയർ ബോഡിയിൽ ചേരും. ജനുവരിയിൽ ആരംഭിച്ച് രണ്ട് വർഷത്തേക്ക് സേവനമനുഷ്ഠിക്കും. തിരഞ്ഞെടുക്കപ്പെട്ട അഞ്ച് രാജ്യങ്ങൾ അൽബേനിയ, ബ്രസീൽ, ഗാബോൺ, ഘാന, യുണൈറ്റഡ് അറബ് എമിറേറ്റ്സ് എന്നിവയ്ക്ക് പകരമാക്കും.

കേരളത്തിൽ നിന്നു ആദ്യമായി അശോകചക്ര ഏറ്റുവാങ്ങിയ സൈനികൻ ആൽബി ഡിക്രൂസ് (87) ചെറിയതും സമൃദ്ധിയിൽ അന്തരിച്ചു. 1962 ഏപ്രിൽ 30ന് ഡൽഹിയിൽ നടന്ന ചടങ്ങിൽ അന്നത്തെ പ്രസി ഡന്റ് ഡോ. രാജേന്ദ്രപ്രസാദാണ് ലാൻസ് നായിക് ആയിരുന്ന ആൽ ബിക്ക് അശോകചക്ര സമ്മാനിച്ചത്.

ജൂൺ 7

പുതിയ തലമുറ ബാലിസ്റ്റിക് മിസൈലായ അഗ്നി പ്രൈം വ്യാഴാഴ്ച ഒഡീഷ തീരത്തെ ഡാ.എ പി ജെ അബ്ദുൾ കലാം ദ്വീപിൽ നിന്ന് വിജയകരമായി പരീക്ഷിച്ചതായി അധിക്യതർ അറിയിച്ചു.

സംസ്ഥാനത്തെ മൂന്നു വർഷ ബിരുദ പഠനം ഇക്കൊല്ലം കൂടി മാത്രമായിരിക്കും. അടുത്ത വർഷം എല്ലാ സർവകലാശാലകളിലും 4 വ ർഷ ബിരുദ പ്രോഗ്രാം ആയിരിക്കും ഉണ്ടാവുക. ഇതിൽ 3 വർഷത്തിനു ശേഷം ബിരുദ സർട്ടിഫിക്കറ്റോടെ വേണമെങ്കിൽ പഠനം അവസാനിപ്പിക്കാം 4 വർഷം പൂർത്തിയാക്കുന്നവർക്ക് ഔനേഴ്സ് ബിരുദമായിരിക്കും ലഭിക്കുക.

തെക്കൻ യുക്രെയ്നിൽ റഷ്യയുടെ നിയന്ത്രണത്തിലുള്ള വേഴ്സൻ പ്രവിശ്യയിലെ പ്രധാന അണക്കെട്ടായ നോവ കഖോവ്ക അണക്കെട്ട് തകർന്നു. ജലവൈദ്യുത പദ്ധതിയുടെ ഭാഗമായ കഖോവ്ക അണക്കെട്ട് റഷ്യൻ സൈന്യം തകർത്തതാണെന്ന് യുക്രെയ്ൻ സൈന്യവും യുക്രെയ്ൻ സൈന്യത്തി ന്റെ ഷെല്ലാക്രമണത്തിൽ തകർന്നത്തതാണെന്ന് റഷ്യൻ സൈന്യവും ആരോപിച്ചു.

ജൂൺ 8

ഏകദേശം മൂന്ന് പതിറ്റാണ്ടുകൾക്ക് ശേഷം രാജ്യാന്തര സൗന്ദര്യ മത്സരം മിസ് വേൾഡ് 2023 മത്സരത്തിന് ഇന്ത്യ ആതിഥേയത്വം വഹിക്കാൻ ഒരുങ്ങുന്നു. 130-ലധികം രാജ്യങ്ങളിൽ നിന്നുള്ള മത്സരാർത്ഥികൾ അവരുടെ അതുല്യമായ കഴിവുകളും ബുദ്ധിശക്തിയും അനുകമ്പയും പ്രകടിപ്പിക്കുന്നതിനായി ഒത്തു ചേരുന്ന മിസ് വേൾഡിന്റെ 71-ാമത് പതിപ്പിന് ഇന്ത്യ ഏറെ പ്രതീക്ഷയോടെയാണ് കാത്തിരിക്കുന്നത്. 1996ലാണ് ഇന്ത്യ അവസാനമായി അന്താരാഷ്ട്ര  മത്സരത്തിന് ആതിഥേയത്വം വഹിച്ചത്. ഇന്ത്യ ആറു തവണ ലോക സുന്ദരിപ്പട്ടം നേടിയിട്ടുണ്ട്. 

നാറ്റോയുടെ ചരിത്രത്തിലെ ഏറ്റവും വലിയ വ്യോമ വിന്യാസ അഭ്യാസത്തിന് ആതിഥേയത്വം വഹിക്കാൻ ജർമ്മനി തയ്യാറെടുക്കുകയാണ്. ജർമ്മനിയുടെ എയർ ഡിഫൻഡർ 2023ന്റെ ആതിഥേയത്വം നാറ്റോയ്ക്കും അതിന്റെ അംഗരാജ്യ ങ്ങൾക്കും ഒരു സുപ്രധാന നാഴികക്കല്ലായി അടയാളപ്പെടുത്തുന്നു. കൂട്ടായ പ്രതിരോധം, പരസ്പര പ്രവർത്തനക്ഷമത, ശക്തമായ പ്രതിരോധം നിലനിറുത്തൽ എന്നിവയ്ക്കുള്ള സഖ്യത്തിന്റെ പ്രതിബദ്ധതയുടെ തെളിവാണ് ഈ അഭ്യാസം. ലോകമെമ്പാടുമുള്ള സഖ്യശ ക്തികളെ ഒരുമിച്ച് കൊണ്ടുവരുന്നതിലൂടെ നാറ്റോ അംഗരാജ്യങ്ങളുടെ സുരക്ഷയും സ്ഥിരതയും ഉറപ്പാക്കുന്നതിൽ സഹകരണത്തിന്റെയും പരിശീലനത്തിന്റെയും തയ്യാറെടുപ്പിന്റെയും പ്രാധാന്യത്തിന് എയർഡിഫൻഡർ 2023 അടിവരയിടുന്നു.

ജൂൺ 9

ജനറൽ അസംബ്ളിയിൽ നടന്ന വോട്ടെടുപ്പിനെത്തുടർന്ന് അഞ്ച് രാജ്യങ്ങളെ യു.എൻ സുരക്ഷാ കൗൺസിലിലെ സ്ഥിരമല്ലാത്ത അംഗങ്ങളായി തിരഞ്ഞെടുത്തു. അൾജീരിയ, ഗയാന, റിപ്പബ്ലിക് ഓഫ് കൊറിയ, സിയറ ലിയോൺ, സ്ലോവേനിയ എന്നിവ അന്താരാഷ്ട്ര സമാധാനവും സുരക്ഷയും നിലനിർത്തുന്നതിനുളള പ്രീമിയർ ബോഡിയിൽ ചേരും. ജനുവരിയിൽ അരംഭിച്ച് രണ്ട് വർഷത്തേക്ക് സേവനമനുഷ്ഠിക്കും.

കേരളത്തിൽ നിന്നുള്ള സ്റ്റാർട്ടപ്പ് കമ്പനിയായ ഫാർമേഴ്സ് ഫ്രഷ് സോൺ യു എൻ ഫുഡ് ആൻഡ് അഗ്രികൾചറൽ ഓർഗനൈസേഷൻ ആക്സിലറേറ്റർ പ്രോഗ്രാമിലേക്ക് തിരഞ്ഞെടുക്കപ്പെട്ടു. അഗ്രിഫുഡ് സ്റ്റാർട്ടപ്പുകളുടെ ബിസിനസ് വികസനത്തിന് സഹായിക്കുന്നതിനൊപ്പം യു എൻ സുസ്ഥിര വികസന ലക്ഷ്യങ്ങളിലേക്കു സംഭാവന നൽകുന്നതിനായാണ് പരിപാടിക്ക് തുടക്കം കുറിച്ചത്.

ജൂൺ 10

വിമാനം തകർന്ന് ആമസോൺ വനത്തിൽ കാണാതായ നാലു കുട്ടികളെ കണ്ടെത്തി. കൊളംബിയയുടെ തെക്കുകിഴക്കൻ ഭാഗത്തെ ആമസോൺ മഴക്കാടിൽ കാണാതായ കുട്ടികളെയാണ് 40 ദിവസങ്ങൾക്ക് ശേഷം രക്ഷാസൈന്യം കണ്ടെത്തിയത്. 13,9,4,1 വയ സ്സുള്ള കുട്ടികളെയാണ് കാണാതായത്.

ഫ്രഞ്ച് ഓപ്പൺ ടെന്നീസ് ചാമ്പ്യൻഷിൽ വനിതാ സിംഗിൾസ് കിരീടം നിലനിർത്തി പോളിഷ് താരം ഇഗഷ്വാന്റെക്. ഇന്നു നടന്ന ഫൈന ലിൽ ചെക്ക് റിപ്പബ്ലിക്കിന്റെ കരോളിന മുച്ചോവയെ ഒന്നിനെതിരെ രണ്ടുസെറ്റുകൾക്ക് തോൽപ്പിച്ചായിരുന്നു ഇഗോയുടെ കിരീടനേട്ടം. പോളിഷ് താരത്തിന്റെ കരിയറിലെ മൂന്നാം കിരീടവും തുടർച്ചയായ രണ്ടാം കിരീടവുമാണിത്. അമേരിക്കൻ ഇതിഹാസതാരം ക്രിസ് എവർട്ടാണ് ഏറ്റവും കൂടുതൽ തവണ വനിതാ സിംഗിൾസ് കിരീടം ചൂടിയ താരം. ഏഴു തവണയാണ് എവർട്ട് റോളണ്ട് ഗാരോസിൽ കിരീടമുയർത്തിയിട്ടുണ്ട്.

ജൂൺ 11

റോളണ്ട് ഗാരോസിൽ തന്റെ 23-ാം ഗ്രാൻഡ്സ്ലാം കിരീടം നേടിയാണ് നൊവാക് ജോക്കോവിച്ച് ശ്രദ്ധേയമായ നേട്ടം കൈവരിച്ചത്. അതു വഴി പുരുഷ ടെന്നീസ് ചരിത്രത്തിൽ നദാലിന്റെ 22 ഗ്രാൻഡ് സ്ലാം കീരിടങ്ങളുടെ റെക്കോർഡ് മറി കടന്നു.   ഞായറാഴ്ച നടന്ന ഫൈനലിൽ 7-6(1), 6-3, 7-5 എന്ന സ്കോറിന് ജയിച്ച കാസ്പർ റൂഡിനെ തിരായ കഠിന പോരാട്ടമായിരുന്നു പാരീസിലെ സെർബിയൻ താരത്തിന്റെ ഏറ്റവും പുതിയ വിജയം.

ജൂൺ 12

കാരിയർ ബാറ്റിൽ ഗ്രൂപ്പിന്റെ (സി ബി ജി) ഭാഗമായി ഇന്ത്യൻ നാവികസേന അറബിക്കടലിൽ 35-ലധികം വിമാനങ്ങൾ ഉൾപ്പെടുത്തി വൻ ഓപ്പറേഷൻ നടത്തി. നാവികസേനയുടെ പ്രവർത്തനശേഷിയുടെ ഏറ്റവും പ്രധാനപ്പെട്ട പ്രകടനങ്ങളിലൊ ന്നായിരുന്നു ഇത്.

കേന്ദ്ര തുറമുഖ ഷിപ്പിംഗ് ജലപാത മന്ത്രി സർബാനന്ദ സോനോവാൾ മന്ത്രാലയത്തിന്റെ വേസ്റ്റ് ടു വെൽത്ത് പദ്ധതിയുടെ ഭാഗമായി സാഗർ സമ്യദ്ധി ഓൺലൈൻ ഡ്രെഡ്ജിംഗ് നിരീക്ഷണ സംവിധാനം അരംഭിച്ചു. നാഷണൽ ടെക്നോളജി സെന്റർ ഫോർ പോർട്ട്സ് വാട്ടർ വേസ് അൻഡ് കോസ്റ്റസ് (എൻ റ്റി സി പി ഡബ്യു സി) ഈ സംവിധാനം വികസിപ്പിച്ചെടുത്തു. ഇത് പഴയ ഡ്രാഫ്റ്റ് ആൻഡ് ലോഡിംഗ് മോണിറ്റർ സിംസ്റ്റം മാറ്റി മെച്ചപ്പെട്ട കാര്യക്ഷമതയും സുതാര്യതയും നൽകുന്നു.

ജൂൺ 13

പ്രശസ്ത ഗായകനും സംഗീതസംവിധായകനുമായ ശങ്കർ മഹാദേ വന് ഇംഗ്ലണ്ടിലെ ബർമിംഗ്ഹാം സിറ്റി യൂണിവേഴ്സിറ്റി (ബി സി യു) ഓണറ്റി ഡോക്ടറേറ്റ് നൽകി. സംഗീതത്തിലും കലാരംഗത്തും അദ്ദേഹം നൽകിയ മഹത്തായ സംഭാവനകൾക്കുള്ള ആദരവാണ് ഈ അഭിമാനകരമായ അംഗീകാരം. ബർമിംഗ്ഹാമിൽ നടന്ന ചടങ്ങിൽ ബർമിംഗ്ഹാം സിറ്റി യുണിവേഴ്സിറ്റി വൈസ് ചാൻസലർ പ്രൊഫസർ ഫിലിപ്പ് പ്ലോഡൻ അദ്ദേഹത്തിന് ഓണറ്റി ഡോക്ടറേറ്റ് സമ്മാനിച്ചു.

ഈജിപ്തിന്റെ പരമോന്നത ബഹുമതിയായ ഓഡർ ഓഫ് ദ നൈൽ ഈജിപ്ത് പ്രസിഡന്റ് അബ്ദുൽ ഫത്താഹ് എൽ സിസി പ്രധാനമന്ത്രി നരേന്ദ്രമോദിക്ക് സമ്മാനിച്ചു. മോദിയുടെ ഈജിപ്ത് സന്ദർശന വേളയിലായിരുന്നു രാഷ്ട്രത്തലവൻ വിശിഷ്ടാതിഥിയ്ക്ക് ബഹുമതി കൈമാറിയത്. 26 കൊല്ലത്തിനിടെ ഈജിപ്തിലേക്ക് ഉഭയകക്ഷി സന്ദർശനത്തിനെത്തുന്ന ആദ്യ ഇന്ത്യൻ പ്രധാന മന്ത്രിയാണ് മോദി. അബ്ദുൽ ഫത്താഹ് എൽ സി സിയുടെ പ്രത്യേക ക്ഷണപ്രകാരമാണ് പ്രധാനമന്ത്രി ഈജിപ്ത് സന്ദർശനത്തിനെത്തിയത്.

ജൂൺ 14 

ലണ്ടനിലെ സെൻട്രൽ ബാങ്കിംഗ് അവാർഡ് 2023ൽ റിസർവ് ബാങ്ക് ഓഫ് ഇന്ത്യ (ആർ.ബി.ഐ) ഗവർണർ ശക്തികാന്ത ദാസിന് ഗവർണർ ഓഫ് ദി ഇയർ അവാർഡ് ലഭിച്ചു. സെൻട്രൽ ബാങ്ക് ഓഫ് ദി ഇയർ അവാർഡ് നാഷണൽ ബാങ്ക് ഓഫ് ഉക്രെയിനാണ് ലഭിച്ചത്.

ജൂൺ 15

ചെന്നൈ ആസ്ഥാനമായുള്ള അഭിഭാഷകയും ആക്ടിവിസ്റ്റുമായ ലളിതാനടരാജന് യു. എസ് തൊഴിൽ വകുപ്പിന്റെ ബാലവേല ഉന്മൂലനം ചെയ്യുന്നതിലുള്ള 2023ലെ ഇഖ്ബാൽ മസിഹ് അവാർഡ് നൽകി ആദരിച്ചു. ദക്ഷിണേന്ത്യയിൽ ചൂഷണം ചെയ്യപ്പെടുന്ന ബാലവേലയ്ക്ക് എതിരെ പോരാടുന്നതിനുള്ള അവരുടെ ശ്രമങ്ങൾക്കുള്ള അംഗീകാരം ലഭിച്ച ലളിതാ നടരാജൻ ബോണ്ടഡ് ലേബർ ഉൾപ്പെടെ യുള്ള കടത്ത് ഇരകളെ കണ്ടെത്തുന്നതിലും പുനരധിവസിപ്പിക്കുന്നതിലും നിർണായക പങ്ക് വഹിക്കു ന്നു. കൂടാതെ ഗാർഹിക പീഡനവും ലൈംഗിക ദുരുപയോഗവും അതി ജീവിക്കുന്നവർക്ക് അവൾ നിയമപരവും കൗൺസിലിംഗ് പിന്തുണയും നൽകുന്നു.

ജൂൺ 16

ജനീവയിലെ ലോകാരോഗ്യ സംഘടന (ഡബ്ല്യൂ എച്ച് ഒ) ആസ്ഥാനത്ത് നടന്ന നാലാമത് വാർഷി ക ആരോഗ്യ ഫിലിം ഫെസ്റ്റിവലിൽ (എച്ച് എ എഫ് എഫ്) എല്ലാ വർക്കും ആരോഗ്യം എന്ന വിഭാഗത്തിൽ വെൻ ക്ലൈമറ്റ് ചേഞ്ച് ടേൺസ് വയലന്റ് എന്ന ഇന്ത്യൻ ഡോക്യുമെന്ററി സിനിമയ്ക്ക് പ്രത്യേക സമ്മാനം ലഭിച്ചു. ഈ ഡോക്യുമെന്ററി സംവിധാനം ചെയ്തിരിക്കുന്ന രാജസ്ഥാനിലെ വനിത സഹരിയയാണ് വിജയികളിലെ ഏക ഇന്ത്യക്കാരി 4.32 മി നിറ്റ് ദൈർഘ്യമുള്ള ഡോക്യുമെന്ററി ഗാർഹിക പീഡനം കാലാവസ്ഥാ വ്യതിയാനം, മനുഷ്യക്കടത്ത് എന്നിവ തമ്മിലുള്ള ബന്ധത്തെ കേന്ദ്രീകരിക്കുന്നു.

ജൂൺ 17

ആജീവനാന്ത നേട്ടത്തിനുള്ള 45-ാമത് യുറോപ്യൻ ഉപന്യാസ സമ്മാനം എഴുത്തുകാരി അരുന്ധതി റോയിക്ക് ലഭിച്ചതായി ചാൾസ് വാൺ ഫൗഡേഷൻ അറിയിച്ചു. ആസാദി (2021) എന്ന തന്റെ ലേഖനങ്ങളുടെ സമാഹാരത്തിന്റെ ഫ്രഞ്ച് വിവർത്തനത്തിനാണ് അരുന്ധതി റോയിക്ക് സമ്മാനം ലഭിച്ചത്.

ജൂൺ 18 

മനുഷ്യ ഭ്രുണത്തിന്റെ മൂലകോശങ്ങളിൽ മാറ്റം വരുത്തി കൃത്രിമഭ്രൂണം വികസിപ്പിച്ച് ശാസ്ത്രജ്ഞർ ഈ രംഗത്ത് നിർണ്ണായക മുന്നേറ്റത്തിന് തുടക്കം കുറിച്ചു. അണ്ഡവും ബീജവും ഇല്ലാതെയാണ് മൂലകോശങ്ങളിൽ നിന്ന് മനുഷ്യഭൂണം സൃഷ്ടിച്ച് ഏതാനും ആഴ്ച ലാബിൽ വളർത്തിയത്. മിടിക്കുന്ന ഹൃദയമോ തലച്ചോറോ രൂപപ്പെടും വരെ വളർച്ച നേടാൻ ഈ ഭൂണങ്ങൾക്കു സാധിച്ചിട്ടില്ലെങ്കിലും പ്ലെസെന്റ് (മറുപിള്ള) യൊക് സാക് (പോഷകം ലഭ്യമാക്കുന്ന ആവരണം) എന്നിവ രൂപപ്പെട്ടതായി ഗവേഷണത്തിനു നേതൃത്വം നൽകിയ കേംബ്രിജ് സർവകലാശാലയിലെ പ്രഫ മഗ്ദലന സെർനിക്ക ഗെറ്റ്സ് പറഞ്ഞു.

ജൂൺ 19

മികച്ച സംസ്ഥാന വിഭാഗത്തിൽ ദേശീയ ജല അവാർഡുകളിൽ മധ്യപ്രദേശ് ഒന്നാമത്. ജലത്തിന്റെ പ്രാധാന്യത്തെ കുറിച്ച് അവബോധം സ്യഷ്ടിക്കുന്നതിനും മികച്ച ജല ഉപയോഗ രീതികൾ സ്വീകരിക്കുന്നതിന് പ്രചോദനം നൽകുന്നതിനുമാണ് ജലശക്തി മന്ത്രാലയം പ്രഖ്യാപിച്ച അവാർഡുകൾ ലക്ഷ്യമിടുന്നത്. ജലസംരക്ഷണത്തോടുള്ള പ്രതിബദ്ധത പ്രകടമാക്കി, മികച്ച സംസ്ഥാന വിഭാഗത്തിൽ ഏറ്റവും മികച്ച സംസ്ഥാനമായി മധ്യപ്രദേശ് ഉയർന്നു. വൈസ് പ്രസിഡന്റ് ജഗ്ദീപ് ധൻ ഖർ ന്യൂഡൽഹിയിൽ നാലാമത് ദേശീയ ജല അവാർഡുകൾ വിതരണം ചെയ്തു.

ജൂൺ 20

യു എസ് ചരിത്രത്തിലെ ആദ്യ മുസ്ലീം വനിതാ ഫെഡറൽ ജഡ്ജി എന്ന സ്ഥാനം പൗരാവകാശ അഭിഭാഷകയായ നുസ്രത്ത് ചൗധരിക്ക്.  

ഐപിഎസ് ഉദ്യോഗസ്ഥൻ രവി സിൻഹയെ റോ (റിസർച്ച് ആൻഡ് അനാലിസിസ് വിങ്) മേധാവിയായി നിയമിച്ചു. സാമന്ത് ഗോയ ലിന്റെ കാലാവധി അവസാനിക്കുന്ന സാഹചര്യത്തിലാണ് രവി സിൻഹയെ റിസർച്ച് ആൻഡ് അനാലി സിസ് വിങ് മേധാവിയായി നിയമിച്ചത്. രണ്ടു വർഷത്തെ കാലാവധിയിലാണ് നിയമനം.

ജൂൺ 21

ടൈറ്റാനിക് കപ്പലിന്റെ അവശിഷ്ടം കാണാൻ യാത്രികരുമായിപ്പോകാറുള്ള ജലപേടകം - ടൈറ്റൻ അറ്റ്ലാറ്റിക് സമുദ്രത്തിൽ പൊട്ടിത്തെറിച്ച് സഞ്ചാരികൾക്ക് ദാരുണ അന്ത്യം. അമേരിക്കൻ ടൂറിസം കമ്പനിയായ ഓഷ്യൻഗേറ്റ് പ്രവർത്തിപ്പിക്കുന്ന  ടൈറ്റൻ പൈലറ്റുൾപ്പെടെ അഞ്ചു പേർക്കിരിക്കാവുന്ന പേടകമാണ്. ടൈറ്റൻ സഞ്ചാരികളുമായി പുറപ്പെട്ട് അറ്റ്ലാറ്റിക്കിൽ മുങ്ങി ഒന്നേമുക്കാൽ മണിക്കൂർ പിന്നിട്ടപ്പോൾ സഹായ ക്കപ്പലുമായുള്ള ബന്ധം നഷ്ടപ്പെടുകയായിരുന്നു.

ജൂൺ 22

പോർച്ചുഗലിന്റെ ഇതിഹാസ ഫോർവേഡ് ക്രിസ്റ്റ്യാനോ റൊണാൾഡോ കരിയറിലെ മറ്റൊരു ശ്രദ്ധേയമായ നാഴികക്കല്ല് കൂടി കൈവരിച്ചു. തന്റെ 200-ാം അന്താരാഷ്ട്രാ മത്സരത്തിൽ റൊണാൾഡോയ്ക്ക് അഭിമാനകരമായ ഗിന്നസ് വേൾഡ് റെക്കോർഡ് ലഭിച്ചു. ഈ അസാധാരണ നേട്ടം അന്താരാഷ്ട്രാ ഫുട്ബോൾ ചരിത്രത്തിൽ ഏറ്റവും കൂടുതൽ മത്സരങ്ങൾ കളിച്ച കളിക്കാരനെന്ന സ്ഥാനം ഉറപ്പിക്കുന്നു.

ജൂൺ 23

മനുഷ്യനെ ബഹിരാകാശത്തെത്തിക്കുന്ന ഇന്ത്യയുടെ ഗഗൻയാൻ ദൗത്യത്തിന്റെ പരീക്ഷണ വിക്ഷേപണം ഓഗസ്റ്റ് അവസാനം നടത്തുമെന്ന് ഐ.എസ്.ആർ.ഒ മേധാവിയും ബഹിരാകാശ വകുപ്പ് സെക്ട്ടറിയുമായ എസ്.സോമനാഥ് പറഞ്ഞു. അഹമ്മദാബാദിലെ ഫിസിക്കൽ റിസർച്ച് ലാബിൽ സൂപ്പർ കമ്പ്യൂട്ടറായ പരംവികം-1000 ഉദ്ഘാടനം ചെയ്തശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. നാല് അബോർട്ട് പരീക്ഷണങ്ങൾക്ക് ശേഷം അടുത്ത ജനുവരിയിൽ ആളില്ലാ ബഹിരാകാശ പേടകം വിക്ഷേപിക്കും. ഗഗൻയാൻ ദൗത്യം വിജയിച്ചാൽ മനുഷ്യരെ ബഹിരാകാശത്ത് എത്തിച്ച അമേരിക്ക, റഷ്യ, ചൈന, എന്നീ രാജ്യങ്ങളുടെ പട്ടികയിൽ ഇന്ത്യയും ചേരും.

ജൂൺ 24

ഇന്ത്യയിലെ ഏറ്റവും വലിയ റെയിൽ പ്രൈവറ്റ് കോച്ച് ഫാക്ടറി തെലങ്കാനയിലെ കൊണ്ടക്കൽ ഗ്രാമത്തിൽ ജൂൺ 22ന് ഉദ്ഘാടനം ചെയ്തു. മേധാ സെർവോ ഡ്രൈവ്സ് പ്രൈവറ്റ് ലിമിറ്റഡിന്റെയും സ്റ്റാഡ് ലർ റെയിലിന്റെയും സംയുക്ത സംരംഭത്തിൽ നിർമ്മിച്ച ഈ ഫാക്ടറി സംസ്ഥാന മുഖ്യമന്ത്രി കെ.ചന്ദ്രശേഖർ റാവു ഉദ്ഘാടനം ചെയ്തു. ഫാക്ടറി കോച്ചുകൾ, ട്രെയിൻ സെറ്റുകൾ, ലോക്കോമോട്ടീവുകൾ, മെട്രോ ട്രെയിനുകൾ, മോണോറെയിലുകൾ തുടങ്ങി എല്ലാത്തരം യിൽവേ റോളിംഗ് സ്റ്റോക്കുകളും ഇവിടെ വികസിപ്പിക്കും.

ജൂൺ 25

പ്രധാനമന്ത്രി നരേന്ദ്ര മോദിക്ക് ഈജിപ്റ്റിന്റെ പരമോന്നത സിവിലിയൻ ബഹുമതിയായ ഓർഡ ർ ഓഫ് ദി നൈൽ പ്രസിഡന്റ് അബ്ദുൽ ഫത്താഹ് എൽ സി സി സമ്മാനിച്ചു. ഈജിപ്റ്റിനോ മാനവികതക്കോ അമൂല്യമായ സേവനങ്ങൾ വാഗ്ദാനം ചെയ്യുന്ന രാഷ് ട്രത്തലവന്മാർ, കിരീടാവകാശികൾ, വൈസ് പ്രസിഡന്റുമാർ എന്നിവർക്കാണ് ഈ ബഹുമതി നൽകുന്നത്.

ജൂൺ 26 

ഫുട്ബോളിൽ ചരിത്ര നേട്ടം സ്വന്ത മാക്കി പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ 200 അന്താരാഷ്ട്ര മത്സരങ്ങൾ കളിക്കുന്ന ആദ്യ പുരുഷ താരമെന്ന നേട്ടമാണ് റൊണാൾഡോ സ്വന്ത മാക്കിയത്. യൂറോകപ്പ് യോഗ്യത റൗണ്ടിൽ ഐസ് ലാൻഡിനെതിരെ കളത്തിലിറങ്ങിയതോടെയാണ് താരത്തിന് ഈ ഗിന്നസ് റെക്കോഡ് സ്വന്തമായത്. പുരുഷ വനിതാ ഫുട്ബോളിൽ കൂടുതൽ മത്സരം കളിച്ചത് അമേരിക്കയുടെ ക്രിസ്റ്റീനെ ലില്ലിയാണ്. 354 മത്സരങ്ങളിലാണ് ലില്ലി കളത്തിലിറങ്ങിയത്.

ജൂൺ 27

ഗ്രീക്ക് പ്രധാനമന്ത്രിയായി മധ്യ വലത് പക്ഷക്കാരനായ കിരിയാക്കോസ് മിത്സോതാ കിസ് സത്യപ്രതിജ്ഞ ചെയ്തു. 2019 ജൂലൈ മുതൽ 2023 മെയ് വരെ ഗ്രീസിന്റെ പ്രധാ നമന്ത്രിയായിരുന്ന അദ്ദേഹം രണ്ടാം തവണയാണ് പ്രധാനമന്ത്രി യാകുന്നത്.

ലിഥിയം- അയോൺ ബാറ്ററിയുടെ സഹസ്രഷ്ടാവും രസതന്ത്ര നോബേൽ ജേതാവുമായ ജോൺഗുഡിനോഫ് നൂറാം വയസ്സിൽ അന്തരിച്ചു. ഞായറാഴ്ച യു എസി ലെ ഓ സ്റ്റി നിലാ യി രുന്നു അ ന്ത്യം. റീച്ചാർജ് ചെയ്യാൻ കഴിയുന്ന ലിഥിയം-അയോൺ ബാറ്ററിയുടെ കണ്ടുപിടിത്തമാണ് സെൽ ഫോൺ, കംപ്യൂട്ടർ, പേസ്മേക്കർ, വൈദ്യുതിക്കാർ എന്നിവയുടെ വി കാസത്തിൽ നിർണായകമായത്. ഈ കണ്ടുപിടിത്തത്തിന് 2019ൽ ബ്രിട്ടനിൽ യു എസ് ശാ സ്ത്രജ്ഞൻ എം സ്റ്റാൻലി വൈറ്റിങ്ങാമിനും ജപ്പാനിന്റെ അകിര യോഷിനോയ്ക്കുമൊപ്പം ഗുഡിനോഫ് നൊബേൽ പങ്കിട്ടു. നൊബേൽ സ മ്മാനം ലഭിച്ച ഏറ്റവും പ്രായമേറിയ വ്യക്തിയാണ്. കംപ്യൂട്ടറുകളു ടെ റാം (റാൻഡം ആക്സസ് മെ മ്മറി) വികസിപ്പിക്കാനുള്ള ഗവേഷ ണങ്ങൾക്കും അദ്ദേഹം അടിത്തറ പാകി.

ജൂൺ 28

ഇന്ത്യൻ ട്രാക്കുകളിൽ ചീറിപ്പായും ഹൈഡ്രജൻ ട്രെയിൻ, അമ്പരപ്പിൽ ലോകരാജ്യങ്ങൾ. ദേശീയ ഗതാ ഗത ശൃംഖലയെ ഹരിതാഭമാക്കു ന്നതിനുള്ള പദ്ധതിയുടെ ഭാഗമായി, ഇന്ത്യൻ റെയിൽവേയുടെ ആദ്യത്തെ ഹൈഡ്രജൻ ട്രെയിൻ വൈകാതെ ഓടിത്തുടങ്ങും. രാജ്യത്ത് ആദ്യമായി ഹരിയാനയിലെ ജിന്ദ് ജില്ലയിൽ നിന്ന് ഹൈഡ്രജൻ പവർ ട്രെയിനുകൾ ഈ വർഷം അവസാനത്തോടെ ഓടുമെന്നും രാജ്യത്തെ ആദ്യത്തെ ഹൈഡ്രജൻ പ്ലാന്റ് ജിന്ദ്  ജില്ലയിലെ റെയിൽവേ ജംഗ്ഷനു സമീപം സ്ഥാപിക്കുമെന്നും റിപ്പോർട്ടുകൾ ഉണ്ട്. പ്ലാന്റിന്റെ വികസനം അവസാന ഘട്ടത്തിലെത്തിയതായും ജലത്തിൽ നിന്ന് ഹൈഡജൻ ഉൽപാദിപ്പിക്കുമെന്നും അധിക്യതർ പറഞ്ഞു. നിലവിൽ ജർമ്മനിയിൽ മാത്രമാണ് ഹൈഡ്രജൻ ട്രെയിനുകൾ ഓടുന്നത്.

ജൂൺ 29

കാനഡ വൈദഗ്ധ്യമുള്ള തൊഴിലാളികളുടെ ക്ഷാമം പരിഹരിക്കുന്നതിനായി ഡിജിറ്റൽ നൊമാഡ് സ്ട്രാറ്റജി ആരംഭിച്ചു. ടൊറന്റോയിൽ നടന്ന കൊളിഷ് സാങ്കേതിക സമ്മേളനത്തിനിടെയാണ് സുപ്രധാനമായ പ്രഖ്യാപനം കാനഡയിലെ ടെക് മേഖലയിലെ വൈദഗ്ധ്യമുള്ള പ്രൊഫഷണലുകളുടെ കുറവ് പരിഹരിക്കാനാണ് ഈ തന്ത്രം ലക്ഷ്യമിടുന്നത്. ഈ പ്രഖ്യാപനത്തിലൂടെ ലോകമെമ്പാടുമുള്ള വൈദഗ്ധ്യമുള്ള പ്രൊഫഷണലുകളെ തങ്ങളി ലേയ്ക്ക് ആകർഷിക്കാൻ കഴിയും എന്നാണ് പ്രതീക്ഷ. വിദേശ തൊഴിലാളികൾ, പ്രാദേശിക പ്രൊഫഷണലുകൾ, കനേഡിയൻ ബിസിന സുകൾ എന്നിവ തമ്മിലുള്ള നെറ്റ് വർക്കിംഗും സഹകരണവും ഇതിലുടെ വർധിപ്പിക്കാൻ കഴിയും എന്നും അവർ പ്രതീക്ഷിക്കുന്നു.

 ഐക്യരാഷ്ട്ര സംഘടനയുടെ ബാഹ്യാകാശ കാര്യ ഓഫീസ് (യുഎ ൻ ഓഫീസ് ഫോർ ഔട്ടർ സ്പേസ്  അഫയേഴ്സ്) ഡയറക്ടർ ആയി ഇന്ത്യൻ വംശജ ആരതി ഹൊല്ല മെയ്നിയെ നിയമിച്ചു. യു എൻ സെക്രട്ടറി ജനറൽ അന്റോണിയോ ഗുട്ടെറസ് ആണ് ഉപഗ്രഹ വ്യവസായ വിദഗ്ധയായ അരതിയെ നിയ മിച്ചത്. വിവിധ രാജ്യങ്ങൾക്കിടയിൽ ബഹിരാകാശ സഹകരണവും ബഹിരാകാശ പര്യവേക്ഷണത്തിന്റെ സമാധാനപരമായ ഉപയോഗവും ഉറപ്പാക്കാൻ ലക്ഷ്യമിട്ടുള്ള സംഘടനയാണ് യു എൻ ഓഫിസ് ഫോർ ഔട്ടർ സ്പേസ് അഫയേഴ്സ്. ഗാറ്റ ലൈറ്റ് ഇൻഡസ്ട്രി അസോസിയേഷൻ ഓഫ് ഇന്ത്യയുടെ ഉപദേശക സമിതി അംഗം കൂടിയാണ് ആരതി ഹൊല്ല മെയ്നി. 

ജൂൺ 30

കായിക ഇതിഹാസവും വനിതാ ബോക്സിംഗിൽ ഇന്ത്യയുടെ ആദ്യ ഒളിമ്പിക് മെഡൽ ജേതാവുമായ മേരി കോമിന് ഗ്ലോബൽ ഇന്ത്യൻ ഐക്കൺ പുരസ്കാരം ഈ വർ ഷത്തെ യു കെ ഇന്ത്യ അവാർഡിലാണ് മേരി കോമിന് ഗ്ലോബൽ ഇന്ത്യൻ ഐക്കൺ പുരസ്കാരം ലഭിച്ചത്.

ന്യൂമെക്സിക്കോ ബഹിരാകാശ വിനോദയാത്രയിൽ ചരിത്രം കുറിച്ച് വെർജിൻ ഗലാക്റ്റിക് വാണിജ്യാ ടിസ്ഥാനത്തിലുള്ള ആദ്യത്തെ ബഹിരാകാശ വിനോദയാത്രയ്ക്ക് യു എസ് ബഹിരാകാശ കമ്പനിയായ വെർജിൻ ഗലാക്റ്റിക് തുടക്കമിട്ടു. 3 സഞ്ചാരികളും 3 ജീവനക്കാരു മായി ആദ്യത്തെ റോക്കറ്റ് വിമാനം ബഹിരാകാശത്തേക്കു കുതിച്ചു. ജൂൺ 29 വൈകിട്ട് ഇന്ത്യൻ സമയം 8 മണിക്ക് പുറപ്പെട്ട വിമാനം 90 മി നിറ്റ് ദൈർഘ്യമുള്ള ലാക്റ്റിക് 1 എന്ന ദൗത്യം പൂർത്തിയാക്കി 9.30 ഓടെ തിരികെയെത്തി. 2 ഇറ്റാലിയൻ എയർഫോഴ്സ് കേണൽ മാരും നാഷണൽ റിസർച്ച് കൗൺസിൽ ഓഫ് ഇറ്റലിയിലെ എയറോ സ്പേസ് എൻജിനീയറും ആയിരുന്നു കന്നിയാത്രയിലെ സഞ്ചാരികൾ. 2 പൈലറ്റുമാരും പരിശീലകനും ഇവരെ കൊണ്ടുപോയി.